سەرۆكی یەنەكە سەبارەت بە كێشەكانی لەگەڵ پەدەکە و حكومەتی هەرێم ڕایگەیاند، لەغیابی هاوبەشێك لە هەولێر پێدەچێت هەماهەنگی لەگەڵ بەغدا زۆر باشتر بێت و دەشڵێت: دەمەوێت بەشداربم لەبڕیارەكانی كەرتی وزەدا، بەڵام پەدەكە ڕێگەنادات.
بافڵ تاڵەبانی، سەرۆكی یەنەکە لە چاوپێکەوتنێکیدا لەگەڵ پێگەی عێراق ئۆیڵ ئێکسپۆرت وتی: لە غیابی هاوبەشێك لەهەولێر پێدەچێت هەماهەنگی لەگەڵ بەغدا زۆر باشتر بێت.
سەرۆکی یەنەگە وتیشی: تێناگەم بۆ ئەبێ حەز بەكاركردن لەگەڵ بەغدا نەكەم، تەنها بەسرە خۆی هەزارجار دەوڵەمەندترە لەهەموو هەرێمی كوردستان، ئەگەر سەرۆك وەزیران بێت و پێم بڵێت، بافڵ، پیاڵە بچوكە چاكەی خۆت بخەسەر ئەم مێزەو دەتوانیت ببیتە بەشێك لەم مێزە گەورەیە، ئەمە بۆ من ڕێككەوتنێكی گرنگ و نوێیە.
لە قسەکانیدا وەڵای دەداتەوە و دەڵێت: پیاڵە چاكەم دەخەمەسەر مێزەكەت.
نیگەرانیەکانی خۆی لە پەدەکە نەشاردەوە و وتی: دەمەوێت بەشداربم لەبڕیارە ستراتیژییەكانی پەیوەست بەكەرتی وزە، بەڵام پارتی ڕكابەرە سیاسییەكانی لەو پڕۆسەیە دورخستووەتەوە.
هـ.ئ
