بۆ مەخمور کەمپەینی 'گەمارۆیی براکوژی' ڕاگەیەندرا

کۆمیتەی تەندروستی کەجەدەکە، بۆ هاوکاریکردنی دانیشتوانی کامپی مەخمور، لە تۆڕە کۆمەڵایەتییەکان و پێگە ئەلیکترۆنیەکان، بە بەشداریی سیاسەتمەداران و هونەرمەندان، کەمپەینێکی بە ناونیشانی'گەمارۆیی براکوژی'، ڕاگەیاند و داوای لابردنی ئەو گەمارۆیەی لە حکومەتی هەرێمی کوردستان کرد کە خستوویەتیە سەر کامپی مەخمور.


شەوی ڕابردوو بەدەستپێشخەریی کۆمیتەی جڤاکی دیموکراتیکی کوردستان – ئەوروپا- کەجەدەکە، لەسەر تۆرە کۆمەڵایەتییەکان، کامپەینی هەشتاگی 'گەمارۆیی براکوژی'، دەستپیکرد، بە ئامانجی ئەو گەمارۆیەی خراوەتە سەر کامپی مەخمور.

لەم کەمپینە زۆرینەی هونەرمەندان و سیاسەتمەداران و هاوڵاتیان لە هەر چوار پارچەی کوردستان بە ڤیدیۆ بەشداریی کەمپەینەکە بوون و بانگەوازی لابردنی ئەو گەمارۆیە لە سەر ١٢ هەزار پەنابەر کرد و لە چوارچێوەی کەمپنەکە ڕەخنەی توندیان ئاڕاستەی بەرێوبەری پارتی دیموکراتی کوردستان  و حکومەتی هەرێمی کوردستان کرد.

لەناو سیاسەتمەداران، لەیلا گوڤەن هاوسەرۆکی کەجەدە و ساڵح موسلم بەرپرسیاری پەیوەندی دەرەوەی پەیەدە، فەیسەڵ سەری یەڵدز پەرلەمانتاری پێشووی هەدەپە، هونەرمەندان خەلیل خەمگین، کاوە، کاوە ئورمیە، هۆزان سەفقان، فارقین، بەنگی ئاگری، ئارژین، هۆزان ئایدن و هاڤا کران دایکانی ئاشتی، بەشدار بوون.

هەروەها هاوشارەداریی  و دانیشتوانی مەخمور، بە پەیام بەشداری ئەو کەمپینەیان کرد و داوای لابردنی گەمارۆیی سەر کامپی پەنابەرانی مەخمور و ناردنی هاوکارییان کرد.

لەیلا گوڤەن هاوسەرۆکی کەجەدە، لە چوارچێوەی ئەو کەمپینە وتی: بە بڵاوبوونەوەی ڤایرۆس کۆرۆنا تەواوی دنیا کەوتووەتە مەترسییەوە و ئێمە لە بەرێوبەرانی باشور تکا دەکەین کە ئەو گەمارۆیە لابەرن، کورد لە هەر شوێنێک بێت لە بەرامبەر یەکتر بەرپرسیارین و دەڵێین با گەلی کورد بەو نەخۆشییە نەمرێت.

هەروەها بەرپرسی پەیوەندییەکانی پەیەدە ساڵح موسلم، بانگەوازیی لە بەڕێوبەرانی حکومەتی هەرێمی کوردستان کرد و وتی: شەرمێکی گەورەیە بۆ کوردان کە کامپی پەنابەرانی مەخمور بێ دەرمان و برسی ماونەتەوە لەم کاتەدا و داوا دەکەین کۆتایی بەو بارودۆخەی مەخمور بێت و گەمارۆکەی لە سەر هەڵبگیرێت و هاوکارییان بۆ بەڕی بکرێت.

هەروەها هەر یەک لە هونەرمەندا خەلیل خەمگین و کاوە، داوای هەڵگرتنی ئەو گەمارۆییە سەر مەخموریان کرد و ڕایانگەیاند بەم گەمارۆیە تەنیا دڵی دەوڵەتی تورک خۆش دەبێت و بە ڕۆحی سەفەربەری خاوەندارییەتی لە گەلی مەخمور بکرێت و هەرچی زووە ئەو گەمارۆیە هەڵبگیرێت.

د.ع