بەدروشمی''ڕۆژئاوا تەنیا نییە'' لە ڕانیەو قەڵادزێ هێرشەکانی دەوڵەتی تورک ئیدانەکرا

لەژێر دروشمی'' قاتل ئەردۆغان، ڕۆژئاوا تەنیا نییە'' لە شارۆچکەی قەڵادزێ و ڕانیە، گردبوونەوەیەک لەدژی هێرشەکانی دەوڵەتی تورک و چەتە هاوپەیمانەکانی بۆسەر باکورو ڕۆژهەڵاتی سوریا بەڕێوەچوو.


دواینیوەڕۆی ئەمڕۆ، کاتژمێر٠٣:٠٠ توێژە جیاجیاکانی شارۆچکەی قەڵادزێ لە پارکی پیرەمێرد گردبوونەوەیەکیان ئەنجام دا وتێیدا ئەو هێرشانە بەتوندی ئیدانەکرا.

لە شارۆچکەی ڕانیەش ئەمڕۆ کاتژمێر٠٥:٠٠ گردبوونەوەیەکیان ئەنجامداو هێرش و کۆمەڵکوژی دەوڵەتی تورک بۆسەر ڕۆژئاوای کوردستان ئیدانەکرا.

هاوڵاتیان دروشمەکانی''قاتل ئەردۆغان، ڕۆژئاوا تەنیا نییە، بژی بەرخۆدانی یەپەگە''یان وتەوەو پاشان ڕاگەیەندراوێکیان بۆ ڕای گشتی بڵاوکردەوە.

ناوەڕۆکی ڕاگەیەندراوەکیان بەمشێوەیە هاتووە:
وەك دەزانن سوپای داگیركاری توركیا هێرشێكی نامرۆڤانە و نابەرامبەری بە پێشکەوتوترین چەكی دونیا بۆ سەر هاونیشتیمانیەکانمان لە ڕۆژئاوای كوردستان دەست پێكردووە و مەبەستیەتی هەموو دەستکەوتەکانی ڕۆژئاوای کوردستان لەناوببات، کە بە خوێنی ١١هەزار شەڕڤانی شەهید بەدەستهاتووە.
هەروەها هاتووە: پێمان وایە ئەم هێرشە تەنها بۆ سەر ڕۆژ ئاوای كوردستان نییە و نابێت، بەڵكو هێرشە بۆسەر تەواوی كورد و دەست كەوتەكانی گەلی كورد بۆیە پێویستە سەرجەم لایەنە سیاسیەكان و هاولاتیان و حكومەت و پەرلەمان و سەرۆكایەتی هەرێم و ڕێكخراوەكانی مافی مرۆڤ و كوردانی هەندەران ولاتانی زلهێز لە ئاستی ئەو داگیر كاری وکۆمەڵکوژییەی سەر كوردان بئ دەنگ نەبن.

ئەوەش هاتووە: داوا لە وەزارەتی ئەوقاف مامۆستایانی ئایینی دەکەین ڕێگە نەدەن بەناوی ئایەت و عەدیسەوە ڕاوایەتی بە کوشتن وکۆمەڵکوژی کوردان بدەن، لەسەر مامۆستایانی ئایینیش پێویستە سبەی هەیینی کوشتن و کوشتاری ئەردۆغان بۆ موسوڵمانان ڕوون بکەنەوە.

لەکۆتایی ڕاگەیەندراوەکەدا ئاماژە بەوەشکراوە، کێشەی کورد بە شەڕو داگیرکاری و ئۆپەراسیۆن چارەسەرناکرێت، ڕێگەی ئاشتیانە کلیلی چارەسەری کێشەکانی ناوچەکەیە.

ب.ش