ئێران لە ڕێگەی توپخانەكانییەوە دەستیكردووەتەوە بە تۆپبارانكردنی ناوچەی سیدەكان و دەوڵەتی توركیش بە فڕۆكەی بێ فڕۆكەوان شاخی ئاسۆس بۆردوومان دەكات.
لە نیوەڕۆی ئەمڕۆوە، تۆپخانەكانی ئێران بەردەوامییان بە تۆپبارانەكانی دوو ڕۆژی ڕابردوویاندا و بە چڕیی سنووری سیدەكانی سەر بە ئیدارەی سۆران تۆپباران دەكەن، بەبێ ئەوەی هیچ زیانێكی گیانی لێبكەوێتەوە.
هەروەها، كەمێك پێش ئێستا فڕۆكەی بێ فڕۆكەوانی دەوڵەتی تورکی داگیرکەر چیای ئاسۆسیی لە سنوری شارۆچكەی ماوەتی سەر بە پارێزگای سلێمانی بۆردوومان كرد.
لەبارەی زەرەر و زیانەكانی بۆردوومانەكەی شاخی ئاسۆسەوە، تائێستا هیچ زانیارییەك ئاشكرا نەكراوە.
س.س
