“توركیا و داعش دەیانەوێت كەركوك هاوشێوەی موسڵ لێبكەن”

لە یەکەم ڕۆژى جەژنى قورباندا باڵیۆزى تورکیا لە عێراق ڕۆشتە شارى کەرکوک و ڕایگەیاند، کە کەرکوک شارى باو پایرانى ئەوانە، هەروەها دەنگۆى ئەوە هەیە کە فڕۆکەخانەى سەربازى کەرکوک بکرێتە فڕۆکەخانەیەکى مەدەنى لەنێوان تورکیا و کەرکوک-دا، لەلایەکى دیکەوە تورکیا ڕاهێنانى سەربازى بە تورکمانەکانى کەرکوک دەکات، ئەمانەش گومان لەسەر نییەتى تورکیا لە کەرکوک دروست دەکات.

لەوە بارەیەوە لەتیف فاتح فەرەج، نووسەرو چاودێری سیاسی بۆ ڕۆژنیوز دواو وتی:”توركیا دەیەوێت هێزێكی حەشدی شەعبی توركمانی دورست بكات، هەرچەندە ئەو هێزە حكومەتی عێراقی لەپشتیەوەیە، بەڵام توركیا هاوكارى دەكات، هەروەها ئەو فڕۆکەخانەیە کە دەیانەوێت بیکەن بە مەدەنى ئەوە تەنها لە نێوان تورکیا و کەرکوک نییە، بەڵام تورکیا زۆرترین سودى لێدەبینێت، چونکە میتى تورک لە ٢٠٠٣وە لە کەرکوک بونى هەیە، لە ڕێگەى ئەم فڕۆکەخانەیەشەوە دەیانەوێت هاتووچۆ و دەسەڵاتیان لە کەرکوک زیاتر بکەن”.

ناوبراو وتيشى:”لەئێستادا بیانوى توركيا بۆ دروستكردنى ئەو هێزەی حەشی توركمانی پاراستنی بارەگەكانی جەبهەی توركمانی و توركمانەكان و بەرەی توركمانی-یە، بەڵام ئەوە بێ ماناییەكی گەورەیە، چونکە دەبێت حكومەت و دامودەزگای حكومی هەموو لایەك بپارێزێت، نەك لایەنێك خۆیان چەكداربكەن بەبیانووی خۆپاراستن”.

لەتیف فاتیح، پێى وابوو، کە ئەوەى تورکیا دەیکات لە کەرکوک بیانووە، ئەو مەترسى لەوبارەیەوە هەیە و پێیوایە کە “تورکیا و داعش، کەرکوک وەک موسڵ لێدەکەن، چونکە وەك چۆن لەرابردوودا توركیا و داعش جموجوڵیان دەستپێكرد تا موسڵیان بەو ئاستە گەیاند، ئێستاش هەمان سیناریۆ هەیە، جموجوڵی داعش لەدەروبەری كەركوك و پیلان و كارەكانی توركیا لەناو کەرکوکدا ئاماژەن بۆ ئەوە”.

https://youtu.be/NTycanr9Ncw?=