تەرمی چوار منداڵەکەی داقوق دۆزرانەوە

دوای گرتنەوەی ئاوی داقوق، تەرمی چوار منداڵەکە لەناو ئاوەکەدا دۆزرانەوە.


دوای گەڕان و پشکنینێکی زۆر بۆ تەرمی ئەو چوار منداڵەکەی داقوق، کە دوێنێ بە ئۆتۆمبێلەکەیانەوە لەگەڵ باوک و دایکیان کەوتنە پرۆژەیەکی ئاوەوە، بەیانی ئەمڕۆ دۆزرانەوە.

دۆزینەوەی تەرمی ئەو چوار منداڵانە لە کاتێکدایە، کە تا درەنگانێکی شەوی ڕابردوو گەڕان و پشکنینی تیمەکانی بەرگری شارستانی بەدوای تەرمەکاندا بەردەوامی هەبووە، بەڵام تا ئاوی پرۆژەکە نەگیراوەتەوە نەتوانراوە تەرمەکان بدۆزرێنەوە و لە ئاوەکە دەربهێنرێن.

چوار منداڵه‌كه‌، سێ كوڕ و كچێك بوون کە ته‌مه‌نیان لەنێوان ١٠ ساڵ و دوو ساڵ بوو، دوێنێ لەگەڵ دایک و باوکیان لە کفرییەوە گەڕاونەتەوە بۆ کەرکوک، بەڵام لەسەر ڕێگای بەغدا - کەرکوک بە دووری ٤٤ کیلۆمەتر لە شاری کەرکوک ئۆتۆمبێلەکەیان کەوتە ناو پرۆژەی بەنداوێکی ئاوی داقوقەوە، تەنها دایک و باوکەکە لەو ڕووداوە ڕزگاریان بوو.

پرۆژەکە لە ١٠ كیلۆمه‌تر له‌ ناوه‌ندی شارۆچکەی داقوقه‌وه‌ دووره‌، ئاوی خواردنه‌وه‌ و زه‌وییه‌ كشتوكاڵییه‌كانی شارۆچکەکە‌ دابینده‌كات، ئاوه‌كه‌ خوڕه‌ و قوڵه‌، پێشتریش چه‌ندین ڕووداوی هاوشێوه‌ له هه‌مان شوێن تۆمار کراوە.

https://rojnews.news/%D9%83%D9%88%D8%B1%D8%AF%D8%B3%D8%AA%D8%A7%D9%86/%D8%A6%DB%86%D8%AA%DB%86%D9%85%D8%A8%DB%8E%D9%84%DB%8E%DA%A9-%D8%A8%DB%95-%D8%B4%DB%95%D8%B4-%D8%B3%DB%95%D8%B1%D9%86%DB%8C%D8%B4%DB%8C%D9%86%DB%95%D9%88%DB%95-%DA%A9%DB%95%D9%88%D8%AA%DB%95-%D9%86%D8%A7%D9%88-%D8%A6%D8%A7%D9%88%DB%8C-%D8%AF%D8%A7%D9%82%D9%88%D9%82-50389

ش.ف