خەڵکی قامشلۆ دژی داگیرکاری ڕێپێوانیان ئەنجامدا

لەشاری قامشلۆ-ی سەربە فیدراسیۆنی باکور و ڕۆژهەڵاتی سوریا، دژی هێرشەکانی دەوڵەتی تورک لەسەر هەرێمەکانی پاراستنی مەدیا و دروستکردنی دیوار لە عەفرین ڕێپێوانێکی جەماوەرییان ئەنجامدا.


خەڵکی قامشلۆ بە پێشەنگایەتی ئەنجومەنی گەل و کۆنگرەی ستار، ئەمڕۆ لە مەیدانی عوسمان سەبری کۆبوونەوە و هێرشەکانی دەوڵەتی تورکیان دژی هەرێمەکانی گەریلا و داگیرکارییەکان و دروستکردنی دیواریان لە عەفرین بە ڕێپێوان شەرمەزارکرد.

ئامادەبوان بە دروشمی "بە ڕۆحی بەخۆدانی شیلادزێ کۆتایی بە داگیرکەرییەکانی تورک دێنین، عەفرین و برادۆست ئازاد دەکەین، بژی بەرخۆدانی عەفرین، بژی بەرخۆدانی ئیمرالی، بژی بەرخۆدانی گەریلا"، بەرەو مەیدانی شەهید ڕوبار ڕێپێوانیان کرد.

لە مەیدانی شەهید ڕوبار قامیشلۆ، شەمسیهان گۆلۆ، وتەبێژی کۆنگرەی ستار، قسەیکرد و وتی: هیچکات لە بەرامبەر ئەوانەی دەستیان بۆ دەستکەوتەکانمان درێژ دەکەن چۆکدانانێین، دژی ئەو کەسانەی زیان لە شۆڕشەکەمان، داهاتوومان و گەریلاکانمان بدەن دەوەستینەوە