مامۆستایانی هەڵەبجە دەڵێن، داخستنی دەروازەكانی سماڵکا و وەلید، ئەڵقەیەكی دیكەیە لەو پلانگێڕییەی دوژمنان و داگیركەرانە بەرامبەر ڕۆژئاوایی كوردستان ئەنجامیدەن و جەختدەكەنەوە، كورد لەهەر كوێ بێت پێویستە پشتگیری یەكتری بكات نەك بەرنامەو ئەجێندای وڵاتانی داگیركەر جێبەجێبكات بۆ لێدان لە بەشێكی تر.
لە ڕۆژی ١٦ی مانگی كانونی یەكەمی ساڵی ڕابردووەوە، بە بڕیاری پەدەكە هەریەك لە دەروازەی سێمێلكا و وەلید بەڕووی ڕۆژئاوای كوردستاندا داخراوە و ڕێگە بە هیچ هاتووچۆ و جموجوڵێكی بازرگانی لەو دەروازانەدا نادرێت، لەوبارەوە، مامۆستایانی پەیمانگای هونەرە جوانەكانی هەڵەبجە ئیدارنەی داخستنەكە دەكەن بە كارێكی دوژمنكارانەی دەكانن.
مامۆستا محەمەد حەمەڕەزا بە ڕۆژنیوزی وت: داخستنی دەروازەی سمێلكا، ئەڵقەیەكی دیكەیە لەو پلانگێڕییەی دوژمنان و داگیركەرانی كوردستان، بەرامبەر گەلی كوردو بەتایبەت ڕۆژئاوایی كوردستان ئەنجامیدەدات، ئەویش بەهۆی ئەوەیە ڕۆژئاوای كوردستان نمونەیەكی جوانە نەك هەر بەتەنها لەسەر ئاستی كورد، بەڵكو لەسەر ئاستی ناوچەكەو ڕۆژهەڵاتی ناوەڕاست، بۆیە پلانگێڕییەكی زۆر فراوانتر لەوە لەسەر دەروازەی سمێڵكا ئەزمونەكەی هەیە.
“بزوتنەوەی ڕزگاریخوازی گەلی كورد لێرەو لەوێ بەجۆرەها خەبات و تێكۆشان بەردەوام بووە، بەڵام ئەوەی گەورەترین خەنجەربووە لەپشت ئەو بزوتنانەوە دراوە، ناتابەیایی و ناكۆی ناخۆی بووە، ئەوەش بەفیتی دوژمنان گەلەكەمانبووە، ئێستاش بەهەمان شێوە بەردەوامە” مامۆستا محەمەد حەمەڕەزا وای وت.
ئەو مامۆستایە چارەسەریی ئەو كێشانەی كوردی بەئەركی یەكێتیە نەتەوەییە زانی سەرۆك ئۆجالان دەیان ساڵە بانگەشەی بۆ دەكات وتی: ئێمە پێویستمان بەكۆتای هێنان بەو خاڵە لاوازانەییە، كە دوژمنان لەپشتەوە خەنجەرمان لێدەن، ئەوەش تەنها دروستبوونی یەكێتیەكی نەتەوەییە كوردییە لەسەر ئاستی هەموو پارچەكانی كوردستان، بۆ ئەوەی كۆتای بەو خاڵە لاوازە نەخشەو پلانە گڵاوانە بێنین دوژمنان لەڕێگەی ئەو خاڵە لاوازانەوە زەفەرمان پێبەرن.
دەڵێت: شەرم و شورەییە لەسەدەی ٢١ بیت، نەتەوەیەك لەبری پشتیوانی و هاوكاریی ڕۆڵەكانی لەپارچەیەكی دیكەبێت، گەلەكۆمەكێیان لێبكات نەخشەو پلانەكانی دوژمنان لەسەریان جێبەجێبكات.
ده‌روازه‌ی سێمێلکا له‌ساڵی ٢٠١٣ه‌وه له‌نێوان باشورو رۆژئاوای کوردستان کراوه‌ته‌وه، هەرچەندە پێشتر هاتوچۆی هاوڵاتیان لەو دەروازەیەوە سنورداركرابوو، بەڵام زیاتر لە دوو هەفتەیە، بە بڕیاری پەدەكە دەروازەكە داخراوە و بە تەواوی هاتوچۆی هاوڵاتیان و جموجوڵی بازرگانی تێدا وەستاوە.
هەر لەسەر ئەو پرسە، كاوە حەسەن، كە مامۆستایەكی هەڵەبجەیە دەڵێت: داخستنی دەروازەی سنوری سمێلكا لەنێوان ڕۆژئاواو باشوری كوردستان جێگەی داخە، جاران حكومەتی بەعس حەساری دەخستە سەرمان دەمانوت دوژمنی كوردە ئازارەكەی كەمتربوو، بەڵام ئەمجارە بەشێكی كورد دژی بەشێكی دیكە حەسار دروستدەكات ئەمە ئازارەكەی قورسترە.
ئەو مامۆستایە بەتوندی ئیدانەی ئەو جۆرە سیاسەتە نامرۆڤانەی كرد و وتی: پشتگیری لەخەڵكی ڕۆژئاوا دەكەین بۆ بەدەستهێنانی مافە ڕەواكانی خۆیان، وتیشی، داخستنی سنورەكان بەهەموو جۆرێك پێشێلكردنی تەواوی مافی مرۆڤە، بەتایبەت مافی منداڵ خەڵكی سڤیلە.
بەپێویستیشی زانی، گەل هەڵوێستی هەبێت بۆ ئەوەی ئەو دەروازانە بكرێتەوە، دەبێت كوردی لەهەر كوێ بێت پشتگیری یەكتربكات نەك بەرنامەو ئەجێندای وڵاتانی داگیركەر جێبەجێبكات، بۆیە داخستنی دەروازەی سمێلكاو وەلید خزمەت بەئەجێنداو بەرنامەی وڵاتی داگیركەر دەكات كەدەوڵەتی توركە.
س.س
