دانیشتووانی گوندەكانی برادۆست: بەهۆی بۆردومان و تۆپبارانەوە ژیانمان نەماوە

دانیشتووانی گوندەكانی دەڤەری برادۆست دەڵێن:بەهۆی بۆردومان و تۆپبارانەكانی ئێران و توركیاوە، ژیانمان زۆر لەمەترسیدایە و حكومەتی هەرێمیش بەدەنگمانەوە نایەت.


ئیسماعیل حاجی یەكێك لەدانیشتووانی گوندی خەلیفان-ی دەڤەری برادۆستە بەڕۆژنیوزی وت: ڕۆژێك فڕۆكەكانی توركیا بۆردومانمان دەكەن و ڕۆژێك تۆپخانەكانی ئێران تۆپبارانمان دەكەن، لەبارودۆخێكی ناهەمواردا دەژین.

ئەو هاوڵاتییە وتیشی:"حكومەتی هەرێم بە دەنگمانەوە نایەت و لێرە ڕۆژانە خەڵكی سڤیل بەهۆی هێرشەكانی ئەو دووڵاتەوە شەهید دەبن، وای لێهاتووە ژیانمان نەماوە.

بەهۆی تۆپبارانی ئێرانەوە بۆسەر گوندەكانی دەڤەری برادۆست ئەمڕۆ ژنێكی تەمەن 18 ساڵ شەهید بوو دوو براشی بریندار بوون.

د.ح