داوای کۆکردنەوەی هاوکاریی بۆ زیانلێکەوتوانی بومەلەرزەکەی باکوری کوردستان دەکرێت

کۆمەڵگای ئیسلامی کوردستان، داوای کۆکردنەوەی هاوکاریی کرد بۆ زیانلێکەوتوانی بومەلەرزەکەی دوێنێی خارپێت لە باکوری کوردستان، دەڵێت: پێویستە گەلی کورد هاوکاریی بۆ هاوڵاتیانی ئەو ناوچانە کۆ بکاتەوە کە بومەلەرزەکە زیانی پێگەیاندوون.


دوێنێ بومەلەرزەیەک بە گوڕی ٦.٨ پلەی ڕیختەر لە باکوری کوردستا ڕوویدا و زیانی ماددی و گیانی بەدوای خۆیدا هێنا.

لە بانگەوازییەکدا کۆمەڵگای ئیسلامی کوردستاندا دەڵێت: بۆ هاوڵاتیانی باکوری کوردستان کە بومەلەرزە ناوچەکانیانی گرتەوە، هیوای سەلامەتی و ئارامگرتن دەخوازین، سەرەخۆشی خۆمان ئاڕاستەی خانەوادەی ئەو کەسانە دەکەین، کە لە بومەلەرزەکەدا گیانیان لەدەستدا و هیوای زوو چاکبوونەوەش بۆ بریندار و بەرکەوتووان دەخوازین، بانگ لە گەلەکەمان و هەموو بڕواداران دەکەین، لە بارودۆخێکی وەهادا پێویستە هاوکاریی یەک بین و لە بەرامبەر کارەساتێکی سروشتی بەم شێوەیە، ڕۆژ ڕۆژی هاوکاریی و یەکگرتنە.

د.ع