چالاکوانێكی بواری پاراستنی مافەكانی منداڵان باس لەوەدەكات، منداڵان بوونتە قوربانی تۆپبارانەکانی دەوڵەتی تورک و داوادەكەن، کۆمەڵگای نێودەوڵەتی لەبەرامبەر تاوانی شەهیدكردنی منداڵانی كورد لەلایەن توركیا وە بێتەدەنگ.
ڕۆژی ٢٦ ئایار، دەوڵەتی تورک ناوچەی بامەڕنی لە سنووری ئامێدی بۆردوومانکرد و بەو هۆیەوە دوو منداڵ شەهیدبوون، ئەمەش کاردانەوەی زۆری بەدوای خۆیدا هێنا.
سەرهەد عوسمان، چالاکوانی بواری پەروەردەی منداڵان بە ڕۆژنیوز وت: منداڵان بەشێکن لە قوربانییەکان، بەتایبەت لە تۆپبارانەکانی دەوڵەتی تورکیا منداڵانی کورد بەبێ تاوان دەبن بە قوربانی.
ئەو چالاكوانەی بواری پەروەردەی منداڵان جەختدەكاتەوە لەوەی، كە دەبێت هەموو لایەنێک بێنە دەنگ و دەڵێت: کۆمەڵگای نێودەوڵەتیی دەبێت لەبەرامبەر ئەم تاوانەی دەوڵەتی تورکدا بێتە دەنگ، لەبەرچاوی هەموو جیهان منداڵی کورد دەبێتە قوربانیی تۆپبارانەکانی دەوڵەتی تورک، بەڵام بێدەنگن.
ئەوەی جێگای سەرنجە هیچ ڕیکخراوێکی تایبەت بە پاراستنی مافەکانی منداڵان، هەڵوێستیان لەبەرامبەر شەهیدکردنی ئەو دوو منداڵەدا هەڵوێستاین نیشان نەدا.
س.س
