دایکی گەریلای شەهید چاڤڕێ فریشتە، شانازیی بە کچە شەهیدەکەیەوە دەکات و دەڵێت لەپێناو چوار پارچەی کوردستان شەهید بووە، شیعرێکیش پێشکەش بە گەریلا شەهیدەکان دەکات.
حەلیمە ئیسماعیل، دایکی گەریلای شەهید سوهام قادر ناسراو بە (چاڤڕێ فریشتە)، لە پرسەی کچەکەیدا لە شارۆچکەی ڕانیەی ناوەندی ئیدارەی ڕاپەڕین، وتی: بە کچەکەمەوە سەربەرزم، ئەو لەپێناو چوار پارچەی کوردستاندا شەهیدبووە، دەبێت خوێنەکەی لەسەر زەوی نەهێڵن و تۆڵەی بکرێتەوە.
دایکی شەهید چاڤڕێ، هیواداخوازێت گەریلا ئەردۆغان لەناوببات، دەشڵێت: سەربەرزم بە هەموو شەهیدەکانەوە، لە فڕۆکەی دووژمن ناترسین، لە قەندیل و ئیمرالی و کەرکوک و هەموو شوێنێک، چالاکییەکانمان بەردەوام دەبێت
لە کۆتاییشدا شیعرێک پێشکەش بە گەریلا شەهیدەکان دەکات.
شەهید چاڤڕێ فریشە ساڵی ٢٠٠١ چووەتە ڕیزی گەریلاکانی کوردستانەوە و ئەندامی فەرماندەیی یەژاستار بووە لە ناوچەی بەستای باکووری کوردستان، ساڵی ٢٠١٧ لە شەڕێکدا دژی سوپای تورک لە باکووری کوردستان شەهیدبووە.
ناسنامەی شەهید چاوەڕێ بەمشێوەیەیە؛
ناسناو: چاوەڕێ فریشته
ناو و پاشناو: سوهام خدر
شوێنی له‌دایكبوون: ڕانیه
ناوی دایک و باوک: حه‌لیمه، عه‌بدولقادر موسا
كات و شوێنی شه‌هیدبوون: ١٣ی گوڵانی ٢٠١٧/ بۆتان
ش.ف
