لە به‌یانی ئه‌مڕۆوە بەشێوەیەکى چڕ فڕۆكه جه‌نگیه‌كانی دەوڵەتى داگیرکەرى تورک بۆردومانكردنی ناوچه سنورییه‌كانی پارێزگای دهۆكیان دەستپێکردەوە و بەهۆى بۆردومانەکەوە زیانێکى زۆر بە ڕەز و باخى هاوڵاتیانى ناوچەکە گەشتووە.
بەپێى زانیارییەکان، لە به‌یانی ئه‌مڕۆوە بەشێوەیەکى چڕ فڕۆكه جه‌نگیه‌كانی دەوڵەتى داگیرکەرى تورک بۆردومانى هه‌ریه‌كە له گونده‌كانی سگیرێ و بلاڤایان لە سنوری شارۆچکەى ئامێدی سەر بە پارێزگاى دهۆک ده‌ستپێكردووه.
هەربەپێى زانیارییەکان، بەهۆى بۆردومانى فڕۆکە جەنگیەکانى دەوڵەتى داگیرکەرى تورکەوە بۆسەر ئەو ناوچانە زیانێکى زۆر بە ڕەز و باخى دانیشتوان کەوتووە.
جێگەى ئاماژەیە، ماوه‌ی چه‌ند رۆژێكه دەوڵەتى داگیرکەرى تورک هێرشەکانى بۆسەر ناوچەکانى باشور و رۆژئاواى كوردستان دەستپێکردووەتەوە .
ئ.م
