دەوڵەتی تورك ئاسەواری كۆمەڵكوژیی زێلانێ-ی وان لە ناو دەبات

دەوڵەتی تورك كە لە ساڵی ١٩٣٠ لە ناوچەی ئیردێشێ-ی وان كۆمەڵكوژیی زێلانێ-ی ئەنجامدابوو، دەستیگرت بەسەر زەوی دەیان گونددا و بەو شێوەیە ڕێگە نادات كە گۆڕە بە كۆمەڵەكان ئاشكرا بكرێن.


89 ساڵ تێپەڕبووە بەسەر كۆمەڵكوژیی زێلانێ كە دەوڵەتی تورك لەساڵی ١٩٣٠دا لەناوچەی ئیردێشێ-ی وان ئەنجامی دا.

دەوڵەتی تورك هەتاكو ئێستا لەسەر هیچ یەك لەو كۆمەڵكووژیی و جینۆسایدانەی كە كردویەتی لێپرسینەوەی لێنەكراوە و وەڵامی نەداوەتەوە، بەپێچەوانەوە بە بیركردنەوەی كۆمەڵكوژ و ڕەگەز پەرستانە هێشتا لەدژی مرۆڤایەتی تاوان ئەنجام دەدات.

دەوڵەتی تورك بۆئەوەی كە كۆمەڵكوژییەكەی زێلانێ بشارێتەوە دەستی گرتووە بەسەر ئەو گوندانەدا و هێشتا ئەو دۆخە بەردەوامە.
لەساڵی ١٩٣٠دا لە هەرێمی زێلانێ ٦٠ گوند سووتان و بەتەواوی لەناوچوون، بەهەزاران مرۆڤی بێ تاوان لەو گوندانە بەشێوازێكی دڕندانە كوژران.

بە پێی سەرچاوە فەرمییەكانی دەوڵەت ١٥هەزار كەس و بەپێی سەرچاوە خۆجێییەكان ٥٠ هەزار كەس لەو كۆمەڵكوژییەدا كوژراون.

دوای ئەو كۆمەڵكوژییە هەندێك گوند بەتەواوی كاول كران، كە تا ئێستاش ئاسەوارەكانی نەبینراوە، بێرهان، ساركۆی، بۆنێزلع، مێلك، گومێك، پێرنەشێن، شۆرێك، مێرشوود ژمارەیەك لەو گوندان كە بەتەواوی كاول بوون.
دەوڵەتی تورك ئەم جارەش بە بیانووی پرۆژەی (سانتراڵی هیدرۆ ئەلیكتریك) لە گردی زێلانێ بەنیازە بەتەواوی شوێنەواری ئەو كۆمەڵكووژییە بسڕێتەوە.

سەدات ئولوگانا مامۆستای زانكۆ ئەوەی خستەڕوو، دەوڵەت بۆئەوەی ئەو كۆمەڵكوژییەی كە لەهەرێمەكەدا ئەنجامدراوە بشارێتەوە هەموو شتێك دەكات و وتی:"  دەبێت ئێمە لەدژی پرۆژەی (سانتڕاڵی هیدرۆ ئەلیكتریك)بوەستینەوە، دەبێت كە ئێمە پاشماوەی ئەو كۆمەڵكوژییە بپارێزین."

د.ح