ئەمشەو دەوڵەتی تورکی داگیرکەر گەورەترین هێرشی ئاسمانی بۆسەر شەنگال و مەخمور ئەنجامدا و ٢٠ جار بۆردومانی شەنگال و مەخموری کرد.
بەگوێرەی زانیاریە بەدەستهاتووەکان ئەمشەو دەوڵەتی تورک لە یەک کاتدا ٢٠ هێرشی ئاسمانی لە سنوری کامپی مەخمور و خۆبەڕێوەبەری شەنگال ئەنجامداوە و ئەوەش گەورەترین هێرشە کە دەوڵەتی تورک لە یەک کاتدا ئەنجامی بدات لەو ناوچەیەدا.
زانیاریە بەدەستهاتووەکان ئاماژە بەوە دەکەن کە لە سنوری شەنگالدا فڕۆکەکانی دەوڵەتی تورکی داگیرکەر لە ناوچەکانی دۆڵی شیلۆ، باری، کورس و چیلمێرای شەنگال ١٥ هێرشیان ئەنجامداوە.
هاوکات لە گەڵ هێرشەکانی سەر شەنگال لە سنوری کامپی شەهید ڕۆستەم جودی (مەخمور) پێنج هێرشیان ئەنجامداوە و هاوکات لە سنوری دێرکی خۆبەڕیوەبەری باکور و ڕۆژهەڵاتی سوریاش چەند هێرشێکیان ئەنجامداوە.
ها-غ
