د. فایەق گوڵپی: بڕیارەکەی ئەمریکا لە خزمەتی تیرۆرە

د. فایەق گوڵپی، سەرۆکی ئاکادیمیای سیاسەت و هزری دیموکراسی، بڕیاری ئەمریکای لە دژی پێشەنگەکانی پەکەکە شەرمەزار کرد و وتی: " ئەو بڕیارە خزمەتی تیرۆر دەکات، پێویستە گەلی کورد و هەموو ئازادیخوازان لە دژی ئەو بڕیارە بڕژێنە سەر شەقامەکان". 


د.فایەق گوڵپی، لەسەر بڕیارەکەی ئەمریکا کە لە بەرامبەر هاوسەرۆکی دەستەی بەڕێوەبەری کەجەکە جەمیل بایک، ئەندامانی کومیتەی ناوەندی پەکەکە، دوران کاڵکان و موراد قەرەیلان گیراوە بۆ ڕۆژنیوز قسەی کرد. 

د.فایەق گوڵپی ئاماژەی بەوە کرد، کە پەیوەندییەکانی دەوڵاتانی سەرمایەداری لەسەر بنەمای بەرژەوەندییە و پەیوەندییەکانی تورک و ئەمریکاش لەسەر هەمان بنەمایە و بڕیارەکەی ئەمریکاش لەم چوارچێوە گیراوە و وتی: "تورکیا هەمیشە ویستوویەتی بەڕێوەبەرانی پەکەکە بە دیل بگرێت و پەکەکە لە لیستی تیرۆر بمێنێت، لەسەر ئەوە ئەمریکا لە هەرێمەکە بووەتە دەسەڵاتدار". 

گوڵپی سەرنجی ڕاکێشایە سەر بڕیاری دیاریکردنی شوێنی سێ بەڕێوەبەری پەکەکە کە لە کۆبوونەوەی نێوان ئەمریکا و تورکیا لە ئەنقەرە گیراوە و وتی: "ئەو بڕیارە نادادپەروەرانە و نادیموکراتیە، لە دژی یاسای مافی مرۆڤ و ئازادی گەلی کوردە، سێ بەڕێوەبەری پەکەکە، بەڕێوەبەری گەلی کوردن، بۆ ماف و ئازادی گەلی کورد تێدەکوشن، دەستدرێژی بۆ سەر ئەوان دەستدرێژیە بۆ سەر گەلی کورد". 

گوڵپی ئاماژەی بە تێکۆشانی پەکەکە بۆ پاراستنی مافی گەلی کورد و وەها درێژەی بە قسەکانیدا: "هیچ ئەمریکییەکیان نەکوشتووە، لە شەڕی دژی داعش ڕۆڵێکی گرنگیان هەبووە و لە بەرامبەر چەتە تیرۆریستەکان ڕاوەستان". 

گوڵپی بە بیری هێنایەوە "کە بە بەڵگە و دیمەن ئاشکرا بووە کە تورکیا پشتگیری چەتەکان دەکات، بۆیە پێویستە ئەمریکا بزانێت کە ئەو بڕیارە لە دژی خەڵکی ئەمریکاشە و لە خزمەتی تیرۆردایە". 

د.فایەق گوڵپی، سەرۆکی ئاکادیمیای سیاسەت و هزری دیموکراتی، لە کۆتایی قسەکانیدا بانگەوازی تێکۆشان بۆ گەلی کورد و ئازادیخوازان کرد و وتی: "پێویستە هەموو گەلی کورد و لایەنی سیاسی بڕژێنە مەیدانەکان و ئەو بڕیارە شەرمەزار بکەن، هەروەها لەو شوێنانەی کە دەژین لەگەڵ بەرپرسانی ئەمریکا دانیشن و پێیان بڵێن کە ئەو بڕیارە، بڕیارێکی هەڵەیە و بەرەی تیرۆریستان بەهێز دەکات". 

 

ک.ک