لە چالاکیی گەریلادا لە ناوچەی زاپ، ١٢ داگیرکەری دیکە کوژران و دەستیش بەسەر چەندین چەک و کەرەستەی سەربازییدا گیرا.
سەرچاوەیەک لە هێزەکانی پاراستنی گەل-هەپەگە، بە ئاژانسی فوراتی ڕاگەیاندووە، دوێنێ گەریلا لە چوارچێوەی هەڵمەتی شۆڕشگێڕیی بازەکانی زاگرۆسدا، لە مەیدانی چیا ڕەشی ناوچەی زاپ لە بادینان، چالاکییەکی کاریگەریان ئەنجامداوە.
سەرچاوەکە ئاشکرای کردووە، لەو چالاکییەدا ١٢ داگیرکەر کوژراون و دەستیش بەسەر شەش چەک و چەندین کەرەستەی دیکەی سەربازییدا گیراوە.
هەروەها، ڕایگەیاندووە، چالاکییەکە لەکاتێکدا ئەنجامدراوە، کە بۆ هەڵگرتنەوەی تەرمی سەربازە کوژراوەکانی چالاکییەکەی کوڕەژارۆ، دوێنێ خلوسی ئاکار، وەزیری بەرگریی و فەرماندە سەربازییەکان هاتوونەتە سەر سنوور.
ش.ف
