ساڵی ڕابردوودا ١٠ كرێكار لەكاتی كاركردنداندا لە هەولێر گیانیان لەدەستداوە كە سەرجەمیان كرێكاری ناوخۆیی بوون، سەندیكای كرێكارانیش داوا لە حكومەت دەكات گوزەرانی كرێكاران باش بكات.
سەندیكای كرێكارانی كوردستان لقی هەولێر ڕایگەیاند، ساڵی ڕابردوو ١٠ كرێكار لە كاتی كاركردندا لە هەولێر گیانیان لەدەستداوە کە تەنها چوار كرێكاریان دەستەبەری کۆمەڵایەتییان هەبووە و سەرجەمیشیان خەڵکی باشوور بوون.
حەسەن رەمەزان بەرپرسی ڕاگەیاندنی سەندیكای كرێكارانی كوردستان لقی هەولێر لە كۆنگرەیەكی ڕۆژنامەنوسیدا ڕایگەیاند، ساڵی ڕابردوو ١٢ هەزار و ٥٥٩ کرێکار وەک ئەندام لە سەندیكا ناویان تۆمار کردووە لە نێویشیاندا ٥٢٦ کرێکاریان ژنن، بە كۆی گشتی ئەندامەكانیشیان زیاتر لە ٥١ هەزار ئەندامە.
داواش لە حكومەت و پەرلەمانی باشوری كوردستان دەكات یاساكانی تایبەت بە ڕەوشی كرێكاران جێبەجێ بكەن و ئەو كرێكارانەی بە نایاسایی لە دەرەوە هێنراونەتە ناو هەرێمی كوردستان، بگەڕێنرێنەوە بۆ وڵاتەكانیان و جێگای كرێكاری ناوخۆیی نەگرنەوە.
ی. ک
