سەرکردەیەکی بەلوجی: ئێمە بەڵێن دەدەین پشتیوانی گەلی ڕۆژئاوا بین

د.الـلە نەزیر سەرکردەیەکی بەلوجیە، باس لەوە دەکات، کورد لەجیاتی هەموو جیهان شەڕی تیرۆری کرد، ئێستاش لەژێر هێرشی سوپای تورکیا دایە، ڕاشیگەیاند: ئێمە وەک گەلی بەلوجستان لە خوشک وبرایانی کورد باش تێدەگەین و بەڵێن دەدەین هەمیشە پشتیوانیان بین.


د.الـلە نەزیر سەرکردەی بەلوجی بۆ ماڵپەری ''ئەی ئێن ئای نیوز''  لە دژی هێرشەکانی دەوڵەتی تورک بۆسەر ڕۆژئاوای کوردستان لێدوانی داوەو تێیدا هاتووە: گەلی کورد لە جیاتی جیهان شەڕی تیرۆری کرد و لەهەموو کەس زیاتر قوربانی داوە، ئەوان بۆ مرۆڤایەتی شەڕی تیرۆر دەکەن.

نەزیر ئەوەشی وتووە: ئێمە وەک گەلی بەلوجستان لەگەڵ خوشک و برا کوردەکانمانین و ئەوان باش تێدەگەن ئامانجی هێرشەکانی دەوڵەتی تورک بۆسەر باکورو ڕۆژهەڵاتی سوریا بۆ قڕکردن و ڕیشەکێشکردنی کوردانە، ئێمە وەک گەلی بەلوجی بەڵێن دەدەین لەگەڵ گەلی کورد بین.

ب.ش