سەرۆكی پەرلەمانی هەرێم ڕەخنە لە حەلبوسی دەگرێت

سەرۆكی پەرلەمانی هەرێمی كوردستان، ڕەخنەی لە محەمەد حەلبوسی سەرۆکی پەرلەمانی عێراق گرت و، وتی، هیچ بانگهێشتنامەیەکی فەرمی لە عێراقەوە بۆ هەرێمی کوردستان نەهاتووە، کە تایبەتبێت بە هەموارکردنەوەی دەستووری عێراق.


لە ڕۆژانی ڕابردوودا محەمەد حەلبووسی سەرۆكی ئەنجومەنی نوێنەرانی عێراق  داوای لە زانكۆ و ناوەندە ڕۆشنبیرییەكان و ڕێكخراوەكانی كۆمەڵگەی مەدەنی عێراق كرد، بۆچوونی خۆیان لە بارەی هەمواری دەستوور ڕەوانەی لیژنەكە بكەن، بەڵام هیچ پەیامێكی بۆ دامەزراوەكانی هەرێمی كوردستان ڕەوانە نەكردووە، ئەمەش کاردنەوەی ڕێواز فایق سەرۆکی پەرلەمانی هەرێمی کوردستانی لێکەوتەوە.

ڕێواز فایق لە کۆنگرەیەکی ڕۆژنامەنووسیدا ڕایگەیاند: دەبوو هاوشێوەی ئەو بانگێشتنامانەی ئاراستەی ناوەندە ڕۆشنبیری و ڕێكخراوەكان کرابوو، بانگهێشتی هەرێمیش بکرایە، بەڵام بەداخەوە ئەو بانگێشتانامانە ئاراستەی هیچ كام لە ناوەند و ڕێكخراوەكانی هەرێمی كوردستان کراوە، کە تایبەتن بە هەمواركردنەوەی دەستوری عێراق.

س.ح