شاندێكی هاوبه‌شی هەریەکە لە وه‌زاره‌ته‌كانی ناوخۆ و به‌رگریی لەگەڵ فه‌رمانده‌یی ئۆپەراسیۆنه هاوبه‌شه‌كانى عێراق گه‌یشتنه هه‌ولێر و بڕیارە لەگەڵ بەرپرسانى ئەمنى و سەربازیى و سەرۆکى هەرێم و سەرۆکى حکومەت کۆببنەوە.
ئەمڕۆ، شاندێكی هاوبه‌شی هەریەکە لە وه‌زاره‌ته‌كانی ناوخۆ و به‌رگریی لەگەڵ فه‌رمانده‌یی ئۆپەراسیۆنه هاوبه‌شه‌كانى عێراق لە ڕێگەى فڕۆکەخانەى هەولێرەوە گه‌یشتنه هه‌ولێر.
شاندەکەى وه‌زاره‌ته‌كانی ناوخۆ و به‌رگریی و فه‌رمانده‌یی ئۆپەراسیۆنه هاوبه‌شه‌كانى عێراق لەلایەن ڕێبەر ئەحمەد وەزیرى ناوخۆى حکومەتى هەرێمى کوردستانەوە پێشوازییان لێکرا.
بڕیارە شانده‌كه له‌گه‌ڵ نێچیرڤان بارزانى، سه‌رۆكی هه‌رێمی كوردستان و مەسرور بارزانى سه‌رۆكی حكومه‌تی هه‌رێمی كوردستان و به‌رپرسانی ئه‌منیی و سه‌ربازیی له هه‌ردوو وه‌زاره‌تی ناوخۆ و پێشمه‌رگه‌ی حكومه‌تی هه‌رێمی كوردستان كۆببنه‌وه.
ئ.م
