شێرزاد حەسەن بووە سەرۆکی شانازی  'پێن'ی کورد

لە دەیەمین کۆنگرەی ناوەندی (PEN)ی کورد، (شێرزاد حەسەن)ی چیرۆکنووسی باشووری کوردستان، وەکو سەرۆکی شانازی هەڵبژێردرا.


رۆژی ٢٢ی ئەم مانگە، ناوەندی (PEN)ی کورد، لە شاری ئۆلدنبۆرگی ئەلمانیا دەیەمین کۆنگرەی بەست، دوای هەڵبژاردنی کۆمیتەی نوێی بەڕێوەبردنی گشتی، هەریەک لە شێرزاد حەسەن، چیرۆکنووسی دیاری باشووری کوردستان و د.بێریڤان دۆسکی، هاوسەرۆکی پێشووی ناوەندی (PEN)ی کورد وەکو سەرۆکی شانازی هەڵبژێردران.

لە ئەنجامەی کۆنگرەکەدا کە دوێنی بڵاو کرایەوە، ئاماژە بەوە کراوە کراوە کە کۆمیتەی بەڕێوەبردنی گشتی بۆ سێ ساڵی داهاتووە بەم شێوەیەیە:

هەریەک لە (ئەسلیخان یلدرم و سامی تان) وەکو هاوسەرۆکانی ناوەندی (PEN)ی کورد هەڵبژێردران.

سكر‌تێری گشتی:

عومه‌ر فیدان

ئه‌ندامانی نووسینگەی سکرتاریەتی گشتی:

ژیار جیهانفه‌رد- رۆنی ستێرك

به‌رپرسانی دارایی:

١. كاكشارئۆره‌مار

٢.سالح كه‌ڤربڕی

كۆمیته‌ی نووسەرانی زیندان: دێرسیم ئۆره‌مار

كۆمیته‌ی نووسەرانی ژن: دلشا یوسف

كۆمیته‌ی نووسەران بۆ ئاشتی: چیمه‌ن موراد

كۆمیته‌ی نووسەرانی مافەکانی زمان و وه‌رگێڕ: ره‌سول گه‌یك

كۆمیته‌ی نووسەران لە ده‌رەوەی و‌لات: ژیار جیهانفه‌رد

كۆمیته‌ی په‌یوه‌ندییە كوردستانییەکان: كاكشارئۆرەمار

كۆمیته‌ی مالپه‌ڕی ناوەندی (PEN)ی كورد: دڵشاد خۆشناو

كۆمیته‌ی میدیا و ڕاگەیاندن: به‌هار موفتی

رێكخراوی (PEN) نێونەتەوەیی لە ساڵی ١٩٢١ی زاینی لە لەندەن دەستی بە چالاكی خۆی كردوە، بۆ نووسەرانی جیهانی بوەتە هۆی پەیوەندی، گوتوبێژ و یەكگرتن (خەبات دەكات بۆ پێشكەوتنی وێژە و ئازادی رادەربڕین). فیدراسیۆنەكەی لە پتر لە ١٤٤ ناوەندی سەربەخۆی نەتەوەی جیاواز پێكهاتووە و دەیان هەزار ئەندامی هەیە لە سەرتاسەری جیهان.

بیرۆكەی دامەزراندنی (PEN)ی كورد، لە ساڵی ١٩٨٠ لە لایەن  نووسەری كورد،(حسێن ئەردەم)ەوە كاری بۆكراوە، لە مانگی نیسانی ساڵی ١٩٨٨ لە شاری كامبریج لە وڵاتی بەریتانیا، لە كۆنگرەی (PEN)ی جیهانیدا پێشنیاری دروستكردنی ناوەندی (PEN)ی كورد كراوە و لە هەمان كاتیشدا قبوڵ كراوە، لەو كاتەوە تا ئەمساڵ ناوەندی (PEN)ی كورد هەر سێ ساڵ جارێك كۆنگرەی خۆی دەبەستێت و دەستەیەكی نوێ هەڵدەبژێرێ بۆ ئەنجامدانی كارەكانی، كۆنگرەی دەیەمیش لە ناوەڕاستی ٢٣ی حوزەیرانی ئەمساڵ لە شاری ئۆڵدنبۆرگی ئەلمانیا بەڕێوەچوو.

كۆنگرەی (PEN)ی نێونەتەوەیی هەموو ساڵێك دەبەسترێ و هەر سێ زمانی(ئینگلیزی، فەڕەنسی، ئیسپانیۆلی) تێیدا زمانی فەرمین.

س.ح