چوؤرشەممە, 6 ماي 2020 – 20:10 ڕۆژنیوز- هەولێر
https://youtu.be/IicySt8RT7I?t=3″>
سبەینێ دانیشتینی پەرلەمانی هەرێمی کوردستان ئەنجامدەدەرێت، یەکێک لە تەوەری کۆبوونەوەکەش دەنگدانە لەسەر هەڵگرتنی پارێزبەندی لەسەر چەند پەرلەمانتارێک.
عەبدولستار مەجید، سەرۆکی فراکسیۆنی کۆمەڵ لە پەرلەمانی هەرێمی کوردستان لە کۆنگرەیەکی ڕۆژنامەنووسیدا لەسەر پرسی هەڵگرتنی پارێبەندی لەسەر ئەو چەند پەرلەمانتارە وتی: دەبوو پەرلەمانی كوردستان خەمێک لەو هەموو قەیرانە بخوات کە لەهەرێمی کوردستان هەیە، نەك پرسی هەڵگرتنی پارێز بەندی لەسەر پەرلەمانتاران، داوامان لە سەرۆكایەتی پەرلەمانی كوردستان كردووە هەوڵەكانی بخاتە گەر بۆ چارەسەركردنی ئەو هەموو قەیرانە، نەوەك بێت كێشە بخاتە نێو لایەنە سیاسیەكان و درزێك لەنیوان لایەنەسیاسیەكان دروست بكات.
وتیشی: پێویستە بابەتی هەڵگرتنی پارێز بەندی هیچ پەرلەمانتارێك نەخرێتە بەرنامەی کاری دانیشتنەكانی پەرلەمان، چونكە بەڕاستی ئەمە مانایی بێدەنگ كردنی پەرلەمنتارانە، پەرلەمانتار نوێنەری خەڵكی هەرێمی كوردستان و پێویستە قسەی خەڵكی بگەێنێت، بەرگریی لەمافی هاوڵاتیان دەكات، ئەگەر باسی ماددەی 24یش دەكرێت پەرلەمانتار ئازادە لە قسە كردن و ڕادەبرین و گەیاندنی ئێش و ئازارەكانی هاوڵاتیان، تەنها لە بوونی تاوانێكی كەتن داوای هەڵگرتنی پارێزبەندی لەسەر پەرلەمانتار دەکرێت.
د.ع
