چوؤرشەممە, 12 سبت 2018 – 09:33 ڕۆژنیوز – کۆیە
دەربارەی دۆخی ئێستای کورد و پێویستییەکانی لێک نزیکبوونەوەی لایەنەکان، عەلی بداغی ئەندامی بەڕێوبەریی دەفتەری سیاسیی حزبی دیموکراتی کوردستان- حدک، بۆ ڕۆژنیوز دەدوێت.
عەلی بداغی وتی: کۆدەنگی و کۆنگرەی نەتەوەیی و یەکڕیزی بۆ کورد لە نان و ئاو پێویستترە و دەبێتە کۆسپیش لە بەرامبەر دووژمنان.
ناوبراو ده‌ڵێت، که کاتێک کارەساتێکی گەورە بەسەر بزووتنەوەی کورددا دێت دەبێت بیر لە یەکگرتن و یەک رێزی بکەنەوە، دەشڵێت: چونکه پرسی کورد تا ئێستا لە هیچ پارچەیەکی کوردستان یەکلانەبوونەتەوه، لە ناو ئەو گێژاوە سیاسییەدا پرسی یەکگرتن و یەک گووتاری یەک هەڵوێستی بۆ کورد پێویسته.
عەلی بداغی ڕاشیگەیاند: بەداخەوە هەموو پارتە سیاسییەکان تا ئێستا بەهۆکاری بەرژەوەندیی حزبی بۆ کۆنگرەی نەتەوەیی نەگەیشتۆنه‌تە ئەنجام، هه‌روه‌ها تا ئێستاش نەگەیشتوونەتە ئەو قەناعەتەی کە بەرژەوەندیی نەتەوەیی بخەینە پێش بەرژەوەندیی حزبی، به‌ڵکو تەنها کۆمەڵێک دروشم بەرز دەکه‌نه‌وه، و نەچووەتە قاڵبی کرداریەوە.
ئەمە لە کاتێکدایە، ٨ی ئەم مانگە، حکومەتی ئێران هەرسێ زیندانی سیاسیی ‘زانیار و لوقمان مورادی، و ڕامین حسێن پەناهی’ لە سێدارەدا، هەمان ڕۆژ بارەگاکانی ‘حدک و حدکا’ی لە شارۆچکەی کۆیەی سەربە پارێزگای هەولێر-ی مووشکباران کرد و بووە هۆی شەهیدبوونی ١٥ پێشمەرگە و کادری باڵای ئەو دوو حزبە و برینداربوونی نزیکەی ٤٠ ئەندامی دیکەیان.
https://youtu.be/Lmy8YNn_c5I?=
س.ح-م
