قەسەدە ئاماری شەڕو بەرخۆدانی ڕۆژی ٣١مینی دژی داگیرکەران بڵاوکردەوە

ناوەندی ڕاگەیاندنی قەسەدە، ئەنجامی شەڕو بەرخۆدانی ڕۆژی ٣١مینی دژی داگیرکەران ئاشکراکرد.


ناوەندی ڕاگەیاندنی هێزەکانی سوریای دیموکراتیک-قەسەدە، ئەنجامی شەڕو بەرخۆدانی بە ڕاگەیەندراوێک ئاشکراکرد.

دەقی ڕاگەیەندراوەکە:

"سوپای داگیرکەر ئاگربەست پێشێڵ دەکات و بەهەموو جۆرێک هێرشی داگیرکەری بۆسەر ڕۆژئاوا و باکوری سوریا فراوانتر دەکات.

تل تەمر

سوپای داگیرکەری تورک و گروپە چەتە هاوپەیمانەکانی، هێرشیان کردە سەر گوندی لەیلان و گوزەلی، هەوڵیاندا ناوچەی نوێ داگیربکەن.

ئەبو ڕاسێن

سوپای داگیرکەر و گروپە چەتە هاوپەیمانەکانی، هێرشێکی فراوانیان کردە سەر گوندەکانی تل ئەلوەرد، ئم ئەلئشبا و تل محەمەد.

عەین عیسا

سوپای داگیرکەر و گروپە چەتەکان، بەئامانجی داگیرکردنی هەرێمی نوێ و ڕێگای نێودەوڵەتی ئێم٤، هێرشیان کردە سەر گوندەکانی، خربەت کەریم، دبس و خالیدیە، هێزەکانی ئێمە وەڵامی هێرشەکانیان دایەوەو شەڕ لە هەرێمەکە ڕوویدا، لەئەنجامیشدا ٢ چەتە کوژران و ٢ی دیکەش برینداربوون، تانکێک تێكشکێنرا.

گروپە چەتەکانی سەربە دەوڵەتی تورک، بە پشتیوانی فڕۆکەی بێ فڕۆکەوان و تۆپبارانەکانی دەوڵەتی تورک هێرشیان کردە سەر گوندەکانی، شەرگرت، تبێنا و مەسعودییە، هێزەکانمان وەڵامی ئەو هێرشانەیان دایەوەو لە ئەنجامی شەڕی قورس لەهەرێمەکە، ٣ چەتە کوژران و ٤ ی دیکەش برینداربوون.

بەگشتی لە ئەنجامی وەڵامدانەوەی هێزەکانمان ٥ چەتە کوژران و ٦ چەتەش برینداربوون.

لە بەرخۆدانیەکاندا ٢ هەڤاڵمان شەهیدبوون".

ب.ش