قەسەدە ئەنجامی شەڕو بەرخۆدانی ٢٤ کاتژمێری ڕابردووی ئاشکراکرد

ناوەندی راگەیاندن و چاپەمەنی هێزەکانی سوریای دیمۆکراتیک-قەسەدە ئەنجامی چالاکی و جموجۆڵە سەربازییەکانی داگیرکەران لە ٢٤ کاتژمێری رابردوویدا ئاشکرا کرد.


ناوەندی ڕاگەیەندنی هێزەکانی سوریای دیموکراتیک-قەسەدە، بە ڕاگەیەندراوێک ئەنجامی شەڕو بەرخۆدانی ڕۆژی ٤٠مین بەرامبەر بە داگیرکەری دەوڵەتی تورک و گروپی چەتەکانی داعش و قاعیدە ئاشکراکرد.

ڕاگەیەندراوەکەی قەسەدە بەمشێوەیە هاتووە:

"سوپای داگیرکەری تورک بەردەوامە لە جموجوڵی ئاسمانی لە سەرتاسەری ناوچەکە، سوپای داگیرکەر لە ناوچەی تل تەمر بە فڕۆکەی بێ فڕۆکەوان بەسەر گوندی ئاسورییەکاندا دەگەرێت، هەروەها جموجۆڵە داگیرکەرییەکانی گروپە چەتەکانیش لە ناوچەکە بەردەوامییان هەیە.

سوپای داگیرکەری تورک دوای ئەوەی دەورییەکی هاوبەشی سەربازی لەگەل سەربازانی روسی ئەنجامدا لە ناوچەکانی عەین عیسا، بە تانک و چەکی قوڕس و ژمارەیەکی زۆری چەتەکانییەوە، هەوڵی دا ناوچەکە داگیر بکات، سوپای داگیرکەر دوای گەشتە سەربازییە هاوبەشەکە، لە سایلۆی شێرگراک جێگر بوون."

ب.ش