قەسەدە ئەنجامی شەڕ و بەرخۆدانی ڕۆژی ٦٠ـەمی ڕاگەیاند

قەسەدە ئەنجامی شەڕ و بەرخۆدانەکانی ڕۆژی ٦٠ـەمی لە ناوچەکانی باکور و ڕۆژهەڵاتی سوریا بڵاوکردەوە. 


ئەمڕۆ ناوەندی ڕاگەیاندنی هێزەکانی سوریای دیموکرات- قەسەدە، ڕاگەیەندراوێکی لەسەر ئەنجامی شەڕ و بەرخۆدانەکانی ٢٤ کاتژمێری ڕابردوو بڵاوکردەوە.

لە ڕاگەیەندراوەکەدا هاتووە: سوپای داگیرکەری تورک و چەتەکانی لە ٦٠ـەمین ڕۆژدا بەردەوامن لە هێرشە داگیرکارییەکان و جموجوڵ بۆ ئامادەکاری شەڕ لە سەرتاسەری ناوچەکە. 

لە بەردەوامی هاتووە: سوپای داگیرکەری تورک و چەتەکانی لە گوندی ئوم شەعفا بە چەکی قورس هیرشیان کردەسەر ناوچە مەدەنییەکان، بە چڕی تۆپبارانیان کرد، هەروەها فڕۆکە سیخوڕییەکان بەسەر ئاسمانی ناوچەکە سووڕانەوە. 

لە بەشێکی دیکە هاتووە: سوپای تورک و چەتەکانیان لە گوندی ئوم کێف، هەوڵیاندا بە هێرش بۆسەر ناوچە مەدەنییەکان، داگیرکارییەکانیان بەرفراوان بکەن و چەکی قەناسیان بەکارهێنا. 

لە کۆتاییش هاتووە: شانە نهێنییەکانی داعش، کە هێرشە داگیرکارییەکان بۆسەر باکوری سوریا وەک دەرفەت بینیوە، لە هەرێمی دێرەزۆر، هێرشەکانیان بۆسەر خەڵکی مەدەنی زیاد کردووە، لە ئەنجامی تەقینەوەیەک لەو هەرێمەدا چوار سڤیل کوژران.

س.ح