قەسەدە ڕایگەیاند، سوپای تورک دوو ڕۆژی ڕابردوودا چەندین ناوچەی لە باکوور و ڕۆژهەڵاتی سووریا بۆردوومان کردووە و بەهۆیەوە شەڕڤانێک شەهیدبووە و یەکێکی دیکەش برینداربووە.
ئەمڕۆ ناوەندی ڕاگەیاندنی هێزەکانی سووریای دیموکرات-قەسەدە لە ڕاگەیەندراوێکدا ئاماری هێرشەکانی دوو ڕۆژی ڕابردووی سوپای داگیرکەری تورکی بۆ سەر باکوور و ڕۆژهەڵاتی سووریا بڵاوکردەوە.
بەپێی ڕاگەیەندراوەکە، سوپای تورک لە دوو ڕۆژی ڕابردوودا دەیان ناوچەی لە سنووری کۆبانێ، منبج، تلتەمر، عەفرین، شەهبا، زرگان، عەین عیسا، گرێسپی تۆپباران کردووە.
ئەوەشی خستووەتەڕوو، کە لە تۆپبارانێکی سوپای تورکی داگیرکەردا لە دەوروبەری شاروچکەی کەنتەر، شەڕڤانێک شەهید بووە و شەڕڤانێکی دیکەش بریندار بوو.
قەسەدە باسی لەوەشکرد، کە هێرشی دەوڵەتی داگیرکەری تورک بۆ سەر هەرێمەکانی باکور و ڕۆژهەڵاتی سووریا ١٢ ڕۆژە بەردەوامە، وەک هەمیشە لە هێرشەکانیدا ماڵ و موڵکی هاوڵاتیان دەکاتە ئامانج و هەوڵدەدات خەڵکی ناوچەکە کۆچبەر بکات.
ب.ل
