كۆدار پشتیوانی خۆی بۆ شەپۆلی ناڕەزایەتیەكانی گەلانی ئێران و گەلی كورد لەرۆژهەڵاتی كوردستان دەردەبڕێت و داوا لەكۆمەڵگەی مەدەنی دەكات بەپەلە خۆبەرێوەبەری دیموكراتیك لەنێو ریزی ناڕەزایەتیە جەماوەریەكاندا بونیاد بنێن.
كۆنگرەی كۆمەڵگەی دیموكراتیك و ئازادی رۆژهەڵاتی كوردستان – کۆدار، لە شیکردنەوەیەکیفا لە بارەی ڕووداو پێشهاتەکانی ناوچەکە ڕایگەیاندووە، ئەم ناڕەزایەتیانەی ئێستا، بەردەوامی سەرهەڵدان و راپەرینە نەپچڕاوەكانە بۆ خۆشكردنی راپەڕینێكی سەرتاسەری بۆ بەدەستهێنانی ئازادی و عەدالەتی كۆمەڵایەتی لەچوارچێوەیەكی دیموكراسیدا.
کۆدار پشتیوانی خۆی بۆ ناڕەزایەتیە جەماوەریەكانی گەلانی ئێران دەربڕی دەشڵێت: كاتی حیساب خواستنی كۆمەڵگە لەژێمی گەندەڵی ئێران هاتووە و بەردەوامی ناڕەزایەتیە ئامانجدارەكان دەتوانێت ببێتە هۆی كردنەوەی رێڕەوێكی دیموكراتیك و ئازادیخوازانە.
داواشی لە هەموو چین و توێژەكانی كۆمەڵگە بۆ دەستکەوتی باڕەزایەتیەکانی ئەمساڵانەی دوایی، گوێی خۆیان نەخەوێنن. ناڕەزایەتیە مەدەنیەكانی ئێستا چانسێكی گەورەیە بۆ كۆمەڵگە و دەتوانێت ببێتە هۆی بەدەستهێنانی ئامانجگەلێكی مەزنتر.
لە بارەی دۆخی ئێران و رۆژهەڵاتی کوردستانەوە باسی لەوەشکردووە: ئەم ناكۆكییەی حكومەت لەگەڵ كۆمەڵگەی مەدەنی ئازادیخواز لەكۆتاییدا دەگاتە خاڵێكی نەگەڕاوە بۆ حیساب خواستن لەرێگەی سەرهەڵدانی دیموكراتیكەوە.
كۆدار پیشنیاری ئەوەسی کردووە کە “وەكو بەدیل و مۆدیلێكی گۆنجاو خۆبەرێوەبەری بۆ كۆمەڵگەی ئێران و رۆژهەڵاتی كوردستان بە گونجاو دەزانین و پشتیوانی تەواو لەناڕەزایەتی ئامانجداری كۆمەڵگە بەتایبەتی و كۆمەڵگەی رۆژهەڵاتی كوردستان” دەکەین.
ها-غ
