چوؤرشەممە, 6 ماي 2020 – 19:29 ڕۆژنیوز – ناوەندی هەواڵەکان
کەمێک پێش ئێستا وەزارەتی تەندروستی و ژینگەی عێراق ڕاگەیەندراوێکی لەبارەی پەتای کۆرۆناوە بڵاوکردەوە.
لە ڕاگەیەندراوەکەدا هاتووە: لەماوەی ٢٤ کاتژمێری ڕابردوودا ٤ هەزار و ٢٤٢ پشکنین ئەنجامدراوە، لە ئەنجامدا ٤٩ توشبووی کۆرۆنا تۆمارکراون، کە ٣١ کەسیان لە بەغدا و ١١ کەسیان لە بەسرە و سێ کەسیان لە کەربەلا و سێ کەس لە هەولێر و کەسێک لە موسەنا بووە.
هەر لە ڕاگەیەندراوەکەدا ئاماژە بە چاکبوونەوەی ٣١ توشبوو کراوە، کە ١٢ کەسیان لە بەغدا و ١٥ کەسیان لە بەسرە و سێ کەس لە بابل و کەسێش لە نەجەف بووە.
لەکۆتایشدا ئاماری گشتی توشبووانی کۆرۆنا لە عێراق خراوەتە ڕوو، کە ٢ هەزار و ٤٨٠ کەسە، کە هەزار و ٦٠٢ کەسیان چاکبوونەتەوە و ١٠٢ کەسیش گیانیان لەدەستداوە.
د.ع
