لەگەرمیان بەیەکدەنگ پاڵپشتی ڕۆژئاوای کوردستان کرا

هاوڵاتییانی شارۆچکەی کەلار، لە دژی هێرشەکانی دەوڵەتی داگیرکەری تورک، بۆسەر ڕۆژئاوای کوردستان، باکورو ڕۆژهەڵاتی سوریا، بە وتنەوەی درووشمی "بژی بەرخۆدانی ڕۆژئاوا" گردبوونەوەیەکی ناڕەزایەتییان ئەنجامدا.


ئێوارەی ئەمڕۆ لە بەردەم پارکی لەیلا قاسم لە شارۆچکەی کەلاری ناوەندی ئیدارەی گەرمیان، هاوڵاتیان و توێژە جیاوازەکانی گەرمیان، بۆ ئیدانەکردنی هێرشەکانی دەوڵەتی داگیرکەری تورک بۆسەر باکور و ڕۆژهەڵاتی سوریا و پشتیوانیکردنی گەلی ڕۆژئاوای کوردستان گردبوونەوەیەکی ناڕەزایەتییان ئەنجامدا.

دوای گردبوونەوەکەش لە کۆنگرەیەکی ڕۆژنامەنووسیدا، لاوان محەمەد وتاری گردبوونەوەکەی پێشکەشکرد و وتی: وەکوو چینوتوێژە جیاوازەکانی گەرمیان و هاوڵاتییانی شارۆچکەی کەلار، بۆ ئیدانەکردنی ئەو هێرشە دڕندانەی دەوڵەتی فاشیزمی تورکیا و پاڵپشتیکردن لە گەلی خۆمان لە ڕۆژئاوای کوردستان، ئەم گردبوونەوەیەمان ئەنجامدا و ئامانجمانە دەنگی خۆمان بگەیەنینە دونیا بۆ بەدەنگ هاتن لەو داگیرکارییە .

خەڵکی کەلار بانگەوازییان لە سەرجەم گەلی کوردو خەڵکی گەرمیان بەتایبەت کرد، هەڵوێست نیشانبدەن و لە چالاکییەکانی داهاتوودا بەشداربن و هەڵوێستی نەتەوەیی خۆیان دەرببڕن.

ب.ش