لە ئامەد و جۆلەمێرگ ١٥ کەس دەستگیرکران

ئۆپەراسیۆنی قڕکردنی سیاسیی لە دژی گەلی کورد بەردەوامە، لە ئامەد و جۆلەمێرگ پۆلیس هەڵیکوتایە سەر چەندین ماڵ و ١٥ بەڕێوەبەر و ئەندام و لایەنگری هەدەپە و دەبەپەی دەستگیر کرد.


پۆلیسی تورک لە ناوەندی ئامەد دیسانەوە هەڵیانکوتایەوە سەر ماڵی هاووڵاتییانی کورد و ١٥ کەس لە ئەندامان و بەڕێوەبەری هەدەپە و دەبەپەیان دەستگیرکرد.

لە ئامەد ٧ هاوسەرۆک و بەڕێوەبەر دەستگیرکران

نەجمەدین بوراکماک هاوسەرۆکی هەدەپە لە باغلەر، وەهاب گیونای هاوسەرۆکی هەدەپە لە یەنی شەهر، هالوک ئەیوب ئۆغڵو هاوسەرۆکی هەدەپە لە کایاپنار، عەلی ئالکان هاوسەرۆکی دەبەپە لە باغلەر، رەمەزان ئونگور بەڕێوەبەری هەدەپە و عوسمان دۆنا و سەعید دەمیر دەستگیر کران.

پۆلیسی تورک دەستگیرکراوەکانی برد بۆ بەڕێوەبەرایەتیی ئاسایشی ئامەد و باس لەوەش دەکرێت ژمارەی دەستگیرکراوەکان لەوە زیاترە، کە تا ئێستا ئاشکرا بووە.

لە جۆلەمێرگ ٨ کەس دەستگیر کران

٨ چالاکوان کە هەفتەی رابردوو بۆ پشتیوانیکردن لە مانگرتنەکەی لەیلا گوڤەن هاوسەرۆکی کەجەدە مانیان گرتبوو، دەستگیرکران.

ناوی حەوت لە دەستگیرکراوەکان بەم شێوەیەیە: زەینەب کایا هاوسەرۆکی هەدەپە لە جۆلەمێرگ، نورییە ئاکتاش هاوسەرۆکی دەبەپە لە جۆلەمێرگ، نەوزاد کاتا هاوسەرۆکی ناوچەی گەڤەر، شەهیربان ئاجار، کەسکین ئەرۆل، نەجیب جۆشکون و نورەدەین ئاتسز ئەندامانی هەدەپە و دەبەپە.

ش.ف