لە سەرێکانی ٥ چەتەی داعش دەستگیرکران و ٤یش کوژران

لە کاتێکدا هێرشەکانی دەوڵەتی تورک بۆسەر ناوچەکانی باکور و ڕۆژهەڵاتی سوریا  بەردەوامە، شەڕڤانانی هەپەجە شانەیەکی چەتەکانی داعشییان دەستگیرکرد، کە لە پێنج چەتە پێکهاتووە، هەروەها چوار چەتەش لە گوندی توێمیا کوژراون.


هێرشەکانی دەوڵەتی تورک بەردەوامە و چەتەکانی داعشیش هاوکاریی دەکەن، هێزەکانی پاراستنی جڤاکی- هەپەجە، لە شاری سەرێکانی هێرشێکی چەتەکانیان تێکشکاند و شانایەکی پێکهاتوو لە پێنج چەتەی داعشیان دەستگیر کرد.

بەپێی هەواڵێکی ئاژانسی هاوار، هێزەکانی پاراستنی جڤاکی- هەپەجە، لە مەیدانی شەهیدان لە ناوەندی شاری سەرێکانی ئەو شانە نهێنییەیان کە ویستوویانە هێرش بکەنە سەر خەڵک و ئاڵۆزی دروست بکەن دەستگیر کردووە.

هەروەها بەیانی ئەمڕۆ چەتەکانی داعش هەوڵیان داوە لە گوندی توێمیا لە باشوری شاری سەرێکانی هێرش بکەنە سەر خەڵکی مەدەنی و هێزەکانی ئاسایشی ناوخۆ وەڵامیان داوەتەوە و لە ئەنجامدا چوار چەتە کوژراون.

ش.ف