تەڤگەری ئازادی ژنانی ئێزدی(تاژێ) و یەکێتی ژنانی گەنجی ئێزدخان لە شەنگال بۆ ئازادی ڕێبەری گەلی کورد، عەبدوڵا ئۆجالان و دەرکردنی پەکەکە لە لیستی تیرۆر چادریان هەڵدا.
لە چالاکیەکەدا دەیان دروشمو پۆستەری جیاواز بەرزکرابۆیەوە و سەرەتاش بە خولەکێک وەستان بۆ ڕێزگرتن لە شەهیدان دەست بە چالاکیەکە کرا،سەبیحە سەبری، وتەبێژی تەڤگەری ئازادی ژنانی ئێزدی لە وتەیەکدا وتی: ئێمە وەکو کۆمەڵگەی ئێزدی و ژنانی شەنگال بە هۆی ئەمچالاکیەوە دەمانەوەێت دەنگی خۆمان و داواکانمان بگەیەنینە هەرشوێنێک.
ئاماژەی بەوەشکرد، ئەوەی کە ئەوانی لە فەرمانی ٢٠١٤ پاراستووە هەوڵیانداوە ئەوان ببنە خاوەن ئیرادە و خاوەنداری لێکردوون پارتی کرێکارانی کوردستان بووە بە فکری ڕێبەر ئاپۆ.
ئەو وتیشی: خوێندکارانی ڕێبەر ئاپۆ بە بەرگری خۆیان داعشیان شکاند، بە هانای هەر کۆمەڵگایەکەوە دەچێت کە ڕوبەڕوی تیاچون بووەتەوە، نمونەی هەرە بەرچاویش شەنگالە، ڕێکخستێکی بەوشێوەیە چۆن دەبێت لە لیستی تیرۆردا بێت وەک کۆمەڵگای ئێزدی هەمیشە بە پێوە دەوەستین، لەبەر ئەوەی ئازادی ڕێبەر ئاپۆئازادی هەموو کۆمەڵگەیەکی بندەستە.
چالاکیەکە هەر ڕۆژە دانیشتوانی دوو گوندی ناوچەکە تیادا بەشداری دەکەنو ماوەی حەوت ڕۆژ بەردەوام دەبێت وئەمڕۆش ئەندامانی تەڤگەری ئازادی ژنانی ئێزدی لە گولێ زۆراڤا بەشداریان تیادا کرد.
ها-غ
