لە قامیشلۆ دژی دەوڵەتی تورک ڕێپێوان کرا

هاوڵاتیانی قامیشلۆ لەدژی جموجوڵە سەربازییەکانی دەوڵەتی تورک لەسەر سنووری هەرێمەکانی باکور و ڕۆژهەڵاتی سوریا و هێرشە داگیرکارییەکانی بۆسەر باشوری کوردستان ڕێپێوانیان ئەنجامدا.


ئەمڕۆ لە شاری قامیشلۆ-ی ڕۆژئاوای کوردستان، هەزاران هاوڵاتی دژی داگیرکارییەکانی دەوڵەتی تورک لە باشوری کوردستان و جوموجوڵە سەربازییەکانی لەسەر سنووری هەرێمەکانی باکور و ڕۆژهەڵاتی سوریا، لە مەیدانی عوسمان سەبری لەڕۆژهەڵاتی شاری قامیشلۆ ڕێپێوانێکیان ئەنجامدا.

بەشداران کە پانکارد-یان بە دروشمەکانی دژبە داگیرکاریی دەوڵەتی تورک بەدەستەوەبوو، بە دروشمەکانیان کردەوەکانی دەوڵەتی تورک و بێدەنگی حکومەتی عێراق و حکومەتی هەرێمیان شەرمەزارکرد.

بڕیاروایە جەماوەر دوای ڕێپێوانەکە بەرەو چادری پرسە و سەرەخۆشی کە بۆ سینانی سور(عەلی ئاکتاش)، سەرحەد ئەمانوس-ڤارتۆ(ئەمروڵاهـ دورسون) ئەندامی کۆمیتەی پەیوەندییەکانی دەرەوەی کەجەکە، ناڤدار سنگەر(میکایل ئۆزدەمیر)، سەرحەد شەفەک(ڤەهیپ تەکین)، شیار فەرشین(جەلال ئۆزتورک)، کە لەڕۆژی ٢١ی ئازار لە ئەنجامی بۆردوومانی فڕۆکە جەنگییەکانی دەوڵەتی تورک لە هەرێمەکانی پاراستنی مەدیا شەهیدبوون، بچن و بەشداری مەراسیمەکە بن.

س.ح