لە كەركوك یادی ڕۆژنامەگەریی كوردی كرایەوە

لە شاری كەركوك یادی ١٢١ ساڵەی ڕۆژنامەگەریی کوردیی كرایەوە، و تێدا جەخت لەوە كرایەوە كە پێویستە دۆخی ڕۆژنامەگەریی و میدیا كاران لە كەركوك باش بكرێت.


ئێوارەی ئەمڕۆ، لقی كەركوكی سەندیكای ڕۆژنامەنووسانی كوردستان لە هۆڵی ڕۆشنبیریی كەركوك ساڵیادی ڕۆژنامەگەریی كوردی کردەوە.

لە یادەكەدا گفتوگۆی چڕ و ورد لەسەر خراپی دۆخی میدیای كوردی و ڕێگریەكانی بەردەمیان کرا و باس لە ڕەوشی ڕۆژنامەنووسانی کەرکوک کرا.

ڕابەڕ ڕەشید، ئەندامی ئەنجوومەنی سەندیكای ڕۆژنامەنوسانی كوردستان لقی كەركوك، لە یادەکەدا وتی:" هەوڵدەدەین لە داهاتوو پێداچوونەوە بە كارەكانی سەندیكا بكەین، بۆ ئەوەی بتوانین ببینە نوێنەری ڕاستەقینەی ڕۆژنامەنووسان، هەوەها هەوڵی جدی دەدەین تا ئەوەی سەرجەم ڕۆژنامەنووسان كۆبكەینەوە و تاو توێی دۆخی میدیای كوردی بكەن و چارەسەر بۆ كێشەكان بدۆزینەوە".

د.ع