پێنجشەممە, 12 يول 2018 – 11:27 ڕۆژنیوز – هەولێر
بەیانی ئەمڕۆ لە هۆڵی شادی لە شاری هەولێر دەستكرا بە ژماردنەوەی دەنگەكان بە دەست لە هەولێر، بەڵام كەمێك پێش ئێستا بزووتنەوەی گۆڕان و كۆمەڵی ئیسلامی و هاوپەیمانی بۆ دیموكراسی و دادپەروەریی و یەكگرتووی ئیسلامی هۆڵەكەیان بەجێهێشت.
قاسم گەڵاڵی، بەرپرسی دەزگای هەڵبژاردنی یەكگرتووی ئیسلامی كوردستان بە ڕۆژنیوزی ڕاگەیاند: پرۆسەی جیاكردنەوەی دەنگەكان بۆ چاوبەستكردنی خەڵكە و هیچ گۆڕانكارییەك لەگەڵ ئەنجامی پێشووی دەنگەكان نابێت، چونكە شەفاف نییە.
وتیشی: هەر چوار لایەنەكە پێمانوایە دەستكاری ڕێژەی دەنگەكان كراوە و پرۆسەكە لە سەرەتاوە تاوەكو كۆتایی بە ناشەفاف و ساختەكارییەوە بەڕێوەچووە.
بڕیار وایە ئەو چوار لایەنە كاتژمێر ١٢ی نیوەڕۆی ئەمڕۆ لە كۆنگرەیەكی ڕۆژنامەنووسیدا هەڵوێستی خۆیان لەو بارەیەوە ڕابگەیەنن.
ك.ك/ب
