دووشەممە, 15 يون 2020 – 19:42 ڕۆژنیوز- ڕانیە
https://youtu.be/VfHDX9DpAgY?t=3″>
ئێوارەی ئەمڕۆ، هاوڵاتیانی دەڤەری ڕاپەڕین لەپارکی گشتی ڕانیە بۆ ناو بازاڕی شارۆچکەی ڕانیەی ناوەندی ئیدارەی ڕاپەڕین خۆپیشاندانێکیان دژی هێرشەکانی دەوڵەتی تورک ئەنجامدا، تێیدا دروشمی فاشیست ئەردۆغان و چەندین دروشمی دیکەیان دژی دەوڵەتی تورک وتەوە.
لە خۆپیشاندانەکەدا کە ژمارەیەکەی بەرچاو لە هاوڵاتیانی ڕانیە تێیدا بەشداربوون، سەید خالید، لەسەرناوی تەڤگەری ئازادیی کۆمەڵگای کوردستان وتارێکی پێشکەشکرد و ئیدانەی هێرشەکانی دەوڵەتی داگیرکەری تورکی کرد بۆسەر هەرێمی کوردستان و داوایکرد کورد بە یەکڕیزیی وەڵامی دەوڵەتی داگیرکەری تورک بداتەوە.
پاشان مامۆستا شوان حەسەن، ئەندامی سەرکردایەتی حزبی شیوعی کوردستان لەسەرناوی چەپەکانی کوردستان وتەیەکی پێشکەشکرد و داوای هەڵوێستی جدی لە حکومەتی عیراق و هەرێمی کوردستان کرد، بۆئەوەی دەستدرێژیی ناڕەوای دەوڵەتی تورک لەسەر هەرێمی کوردستان بوەستێنن.
هەروەها نەریمان کۆبانێ، لەسەرناوی کۆنگرەی ستار وتەییەکی پێشکەشکرد، ئاماژەی بەوەکرا، کە یەکڕیزیی کورد لە ڕۆژئاوای کوردستان دەوڵەتی تورکی هەراسان کردووە و بۆیە هێرش و پەلامارەکانی بۆسەر خاکی کوردستان چڕکردووەتەوە.
د.ع