لە کامپی پەنابەرانی شەهید ڕوستەم جودی (مەخمور)، گۆشەگیریی سەر ڕێبەری گەلی کورد عەبدوڵا ئۆجالان ئیدانەکرا.
هاوڵاتیانی کامپی پەنابەرانی شەهید ڕوستەم جودی (مەخمور) دژی گۆشەگیریی تووندی سەر ڕێبەری گەلی کورد، عەبدوڵا ئۆجالان بە کۆبوونەوەی ژمارەیەکی زۆر لە دانیشتوانی کامپەکە لە بینای بنەماڵەی شەهیدان دەستیپێکرد.
پێش دەستپێکردنی چالاکیەکە، خولەکێک ڕێزگرتن لە هەموو شەهیدانی تەڤگەری ئازادیی کۆمەڵگەی کوردستان بەڕێوەچوو دواتر یوسف کارا، هاوسەرۆکی ئەنجومەنی دیموکراتی کامپەکە، لەسەر ناوی خەڵکی کامپەکە وتارێکی پێشکەشکرد.
کارا تیشکی خستە سەر گۆشەگیریی تووندی سەر ڕێبەر ئۆجالان وتی: وەک دەزانرێت لە ساڵانی 1998-1999 ڕێبەرەکەمان بە پیلانگێڕییەکی نێودەوڵەتی لەلایەن هێزە ئیمپریالیستەکانەوە دەستگیرکرا بۆ ئەوەی ئەسپەکەی لە رۆژهەڵاتی ناوەڕاست و تەنانەت لە جیهاندا تاو نەدات.
وتیشی: هەڵگرتنی گۆشەگیریی سەر ڕێبەر ئاپۆ ئەرکی ئەخلاقی و ویژدانی ئێمەیە ئەو هێرشانەی کە ئەمڕۆ لە دژی شەڕڤانانمان دەکرێت ئەرکی سەرەکی ئێمەیە کە بەرپرسیارێتی و هێز و ورە و هانیان بدەین.
ها-غ
