لە کامپێکی هەولێر ئاگر کەوتەوە

بەهۆی ئاگرکەوتنەوە لە کامپی دارەشەکرانی سنووری پارێزگای هەولێر، پێنج ژن و منداڵ سووتان و لەژێر چاودێریی پزیشکییدان.

بەپێی ڕاگەیەندراوێکی بەڕێوەبەرایەتیی بەرگریی شاری ستانیی هەولێر، ڕووداوەکە بەیانیی ئەمڕۆ و بەهۆی بڵاوبوونەوەی غاز لە سۆپا بوە، لە ئەنجامیشدا دوو ژن و سێ منداڵ سووتاون، ئێستا لە نەخۆشخانە ن و لە ژێر چاودێرییدان .

بەڕێوەبەرایەتییەکە چەند ڕێنماییەکی سەبارەت بە شێوازی بەکارهێنانی سۆپای غاز بڵاوکردوەتەوە:

١-نابێت بوتلی غاز لە ژورەوە بێت .

٢-نابێت کارەبا و غاز بەیەکەوە بەکاربێت .

٣-نابێت سۆندەو سەری منەزەمی عادی بەکاربێت.

٤-نابێت نزیک پەردە بێت .

٥-دەبێت هەوا گۆڕکێ بەردەوام هەبێت لە شوێنەکە.

٦-ئەگەر بۆنی غازت کرد هیچ شتێک بەکارمەهێنە تەنها دەرگا و پەنجەرە بکەوە.

ش.ف