مەحمود سەنگاوى، لەبارەی دۆخی دارایی هەرێمی کوردستانەوە ڕایگەیاند، ئێستا و پێشووتریش لەگەڵ ڕاگەیاندنى دوو ئیدارەیدا بووم، بەهەردوو مەکتەبی سیاسی پێشووتر و ئێستاشم ووتوە، کە پێویستە دوو ئیدارەیی ڕابگەیەنن و بە داهاتی خۆمان موچەی فەرمانبەرانی سنوورەکەی خۆمان دابین بکەین.
دوانیوەڕی ئەمڕۆ، لەسەرگۆڕستانى شەهید سمکۆ علی، لەشارەدێی سەرقەڵاى سەر بەشارۆچکەى کفری لەسنووری ئیدارەى گەرمیان، مەراسیمى ساڵیادی شەهید بوونی سمکۆی ئاسایش و هاوڕێکانى بەڕێوەچوو، تێدا مەحمود سەنگاوى ئەندامی سەرکردایەتى یەنەکە و بەرپرسی میحوەری گەرمەسێر وتارێکى پێشکەشکرد.
سەنگاوى لە وتارەکەیدا وتى: لێتان ناشارمەوە چەندین ساڵە حەز ئەکەم حکومەتى هەرێم بێتە دوو ئیدارەکەى جاران، لە مەکتەبی سیاسی پێشووتریش و ئێستاش وتومە، پێویستە ببینە دووئیدارە، هیچ نەبێت بتوانین هەموو داهاتى ناوچەکەى خۆمان کۆبکەینەوە و موچەى موچە خۆران و فەرمانبەرانى سنوورەکەى خۆمانى پێ دابین بکەین و ژیانى خەڵکى خۆش بکەین.
د.ع
