فەرماندەی گشتیی قەسەدە ڕایگەیاند، بەئامانجگرتنی دامەزراوە مەدەنییەکان لە ئیمارات هەڕەشەیە بۆ سەر ئاسایش و سەقامگیریی ناوچەکە، وتیشی: هاوخەمیی خۆمان دووپاتدەکەینەوە و لەگەڵ ئیمارات.
مەزڵوم عەبدی، فەرماندەی گشتیی هێزەکانی سوریای دیموکرات-قەسەدە لە تویتەری خۆی پەیامێکی لەسەر هێرشە درۆنییەکانی دوو ڕۆژی ڕابردووی حوسییەکانی یەمەن بۆ سەر ئیمارات بڵاوکردەوە.
عەبدی ڕایگەیاندووە: بەئامانجگرتنی دامەزراندوە مەدەنییەکان لە ئیمارات بە فڕۆکەی بێفڕۆکەوان، ئەو کارەیە کە هەڕەشە لە ئاسایش و سەقامگیری لە ناوچەکەدا دەکات.
فەرماندەی گشتیی قەسەدە “هاوخەمیی” خۆی بۆ ئیمارات دووپاتکردەوە و ڕایگەیاند: لەگەڵ ئیمارات دەوەستینەوە لەبەرامبەر ئەو هێرشانەی، کە کرایە سەر وڵات، سەرەخۆشیی قووڵمان بۆ ئیمارات و قوربانیانی ئەو هێرشە دەردەبڕین و هیوای زوو چاکبوونەوە بۆ بریندارەکان دەخوازین.
ڕۆژی ١٧ی ئەم مانگە حوسییەکانی یەمەن بە درۆنی بۆمبڕێژکراو هێرشیان کردە سەر ژمارەیەک لە پێگەکانی ئیمارات لەنێویاندا تانکەری گواستنەوەی نەوت و فڕۆکەخانەی ئەبوزەبی، کە لە ئەنجامدا دوو کەسی هندیی و کەسێکی پاکستانی گیانیان لەدەستدا و شەش کەسی دیکەش برینداربوون.
ب.ل
