نیگەرانیی هاوڵاتیان لە داگیرکاریی تورکیا بەردەوامە

نیگه‌رانیی هاوڵاتیانی شارۆچکه‌ی سۆران – ی سه‌ر به‌ پارێزگای هه‌ولێر، له‌ به‌رامبه‌ر هاتنی سوپای تورک بۆ سنوورەکەیان و داگیرکردنی خاکی هه‌رێمی کوردستان، بەردەوامە.


هه‌بوونی سوپای تورک له‌ سنووری شارۆچکه‌ی سۆران – ی سه‌ر به‌ پارێزگای هه‌ولێر بووه‌ته‌ هۆی نیگه‌ران بوونی دانیشتوانی ئه‌و شارۆچکه‌یه‌ و ترسی زۆری لا دروست کردوون، لە لێدوانیشیاندا بۆ ڕۆژنیوز نیگەرانییەکانیان هێنایە زمان.

دانیشتوانی سۆران سه‌باره‌ت به‌م بابه‌ته بەم شێوەیە‌ بۆ ڕۆژنیوز قسه‌یان کرد.

میکایل حسێن: دژی هاتنی سوپای تورک- ین بۆ ناو خاکی هه‌رێمی کوردستان و شارۆچکه‌ی سۆران، که زیاترله ٣٠ کیلۆمه‌تر سنووری بەزاندووه‌، ئه‌مه‌ش مه‌ترسییه‌کی زۆری له‌سه‌ر گوندنشینان و کۆچبه‌رانی ئه‌م ناوچانه‌ دروست کردووه‌، هاوڵاتیان ناتوانن بچنه‌ کوێستانه‌کان له‌ ترسی سوپای تورک.

دلێر کە ریم: به‌زاندنی سنووری هه‌رێمی کوردستان له‌لایه‌ن سوپای تورکەوە بووه‌ته هۆی زه‌ره‌ر و زیان  بۆ دانیشتوانی برادۆست و ناوچە سنوورییەکانی هه‌رێمی کوردستان، ئێمە دوامان له‌ حکومه‌تی هه‌رێمی کوردستان کردووه‌ له ڕێگه‌ی دانوستان  یان هەر ڕێگه‌یه‌کی دیکه‌ بێت چاره‌سه‌ر بۆ ئه‌م دۆخه بدۆزنه‌وه‌ بۆ ئه‌وه‌ی چیتر ئه‌و خه‌ڵکه ئاواره نە بێت.

سمایل ئاغا: هاتنی سوپای تورک بۆ ناو خاکی هه‌رێمی کوردستان بووه‌ته‌ مه‌ترسییه‌کی زۆر بۆ هاوڵاتیان، و ڕۆژانه‌ له‌لایه‌ن سوپای تورک –وه‌ زیانی زۆر به‌ دانیشتوانی ناوچه‌که‌ ده‌گه‌یه‌ندرێت له‌ ڕێگه‌ی سوتانی ڕه‌ز و باخ و ماڵه‌کانیان، تاوه‌کو ئێستاش حکومه‌تی عێراق هیچ هه‌ڵوێستێکی نه‌بووه‌.

ش.ف