نێچیرڤان بارزانی، سەرۆكی هەرێمی كوردستان بەمەبەستی تەواوكردنی كۆبوونەوەكانی هەفتەی ڕابردووى لەگەڵ سەركردە سیاسییەكانی عێراق ئەمڕۆ جارێکى دیکە سەردانی بەغدا دەكات.
سەرۆكایەتی هەرێمی كوردستان لە ڕاگەیەندراوێکدا بڵاویکردەوە، بڕیارە ئەمڕۆ بۆ تەواوكردنی زنجیرە كۆبونەوەكانی پێشترى لەگەڵ سەرۆكی كۆمار، سەرۆك وەزیران، ژمارەیەك لە سەركردە سیاسییەكان و بەرپرسانی باڵای وڵات نێچیرڤان بارزانى سەردانی بەغدا دەکات.
ئاماژە بەوەشکراوە، ماوەى سەردانەکەى نێچێرڤان بارزانى بۆ شارى بەغدا یەک ڕۆژ دەخاەیەنێت و لەگەڵ چەندین بەرپرسى باڵاى عێراق جارێکى دیکە کۆدەبێتەوە.
هەروەها، هەفتەی ڕابردوو نێچیرڤان بارزانی سەردانی بەغدای پایتەختی كرد و لەگەڵ ژمارەیەك بەرپرسى عێراق كۆبوەوە، لەوانەش سەرۆك كۆمار و سەرۆك وەزیرانی عێراق .
جێگەى ئاماژەیە، بەپێی زانیارییەکان لە سەردانەکەى هەفتەی ڕابردوی نێچیرڤان بارزانی بۆ بەغدا لەگەڵ بەرپرسانى باڵاى عێراق باسى لە كێشەكانی نێوان هەرێم و بەغدا و پشكی هەرێم لەبودجەی ساڵی داهاتوو، هەروەها، لەشكركێشیەکانى دەوڵەتى تورک و ڕژێمى ئێران بۆ سەر هەرێمی كوردستان و عێراق كراوە.
ه.ئ
