نێچیرڤان و بافڵ تاڵەبانی لەگەڵ فەرماندەی هاوپەیمانان کۆبوونەوە

سەرۆکی یەکێتیی نیشتمانیی کوردستان و سه‌رۆكی هه‌رێمی كوردستان له‌گه‌ڵ فه‌رمانده‌ی هاوپه‌یمانان له‌ عیراق و سووریا كۆبوونەوە.

بەپێی ڕاگەیەندراوی نووسینگەی ڕاگەیاندنی بافڵ تاڵەبانی، ئەمڕۆ، بافڵ جەلال تاڵەبانی سەرۆکی یەکێتیی نیشتمانیی کوردستان و نێچیرڤان بارزانی، سه‌رۆكی هه‌رێمی كوردستان و ‏فه‌رمانده‌ی گشتیی هێزی پێشمه‌رگه‌، ‌پێشوازییان له‌  جه‌نه‌راڵ جۆن برێنان ‏فه‌رمانده‌ی هێزه‌كانی هاوپه‌یمانان له‌ عیراق و سوریا و شاندێكی باڵای سه‌ربازیی یاوه‌ری كرد.‏

لە ڕاگەیەندراوەکەدا هاتووە: لە کۆبوونەوەکەدا پرۆسه‌ی چاكسازیی له‌ وه‌زاره‌تی پێشمه‌رگه‌ و دوایین هه‌نگاوه‌كانی ‏یه‌كخستنه‌وه‌ی هێزی پێشمه‌رگه‌ و گرفته‌كانی به‌رده‌م پرۆسه‌كه و پێشنیارێكی ئه‌مه‌ریكییه‌كان ‏له‌مباره‌یه‌وه‌‌ تاوتوێ كران.

ش.ف