ئەندامێکی بزوتنەوەی دیموکراتی گەلی کوردستان بە پێوستی دەزانێت، لایەنە سیاسیەکانی باشووری کورستان بەرامبەر داگیرکەران یەکڕیز و یەکگرتووبن بۆ پارێزگاریکردن لەخاکی کوردستان و دەشڵێت: دەوڵەتی تورک خەڵکی سڤیل و گەشتیاران بە ئامانج دەگرێت.
هێرشە داگیركارییەكانی دەوڵەتی تورك بۆسەر هەرێمی كوردستان بەردەوامی هەیە و ئەمەش ناڕەزایی توندی هاوڵاتیان و بەشێك لە لایەنە سیاسییەكانی لێكەوتووەتەوە.
لەوبارەیەوە، نەهرۆ عاڵایی، ئەندامی مەکتەبی سیاسی بزوتنەوەی دیموکراتی گەلی کوردستان بە ڕۆژنیوزی وت: هێرشەکانی دەوڵەتی تورک بۆسەر خاکی کوردستان و عێراق کارەساتبارە، چونکە بەهۆی ئاڵۆزییەکانی دەوڵەتی عێراق نەتوانراوە پارێزگاری لە خاکەکەی بکات، هەروەها لە هەرێمی کوردستانیش هەڵوێستەکان دژی بە دەوڵەتی تورک وەکو پێویست نەبووە.
عاڵایی وتیشی: هێرشەکانی دەوڵەتی تورک چەندین ڕەهەندی سەربازی و سیاسی و ئابوری و داگیرکەرییانە لە خۆ دەگرێت، کەوا دەوڵەتی تورک دەتوانێت هەموو شتێک لەخاکی کوردستان بکات، دەوڵەتی تورک ئامانجەتی خاکی کوردستان داگیربکات، هەروەها خەڵکی سڤیل و گەشتیاران بەئامانج دەگرێت.
بە گرینگی دەزانێت، سەکردایەتی سیاسی کورد و هەموو لایەنە سیاسیەکانی باشووری کوردستان ناکۆکیەکانیان بەلاوە بنێن، بۆ بابەتە نیشتیمانیەکان یەکڕیزیی و یەکدەنگیان هەبێت، بەرامبەر بە داگیرکەرانی کوردستان و وتیشی: دەبێت خاکی کوردستان بپارێزرێت لە داگیرکەران، بەرژەوەندیە باڵاکانی نەتەوە و نیشیمان لەبەرچاوە بگیرێت.
س.س
