هاوسەرۆکی تەڤگەری ئازادیی لەناو پەرلەمانی تورکیا وتی ئاکەپە بەڵایە

محەمەد عەبدوڵا، هاوسەرۆکی تەڤگەری ئازادیی کۆمەڵگای کوردستان، لەسەردانێکیدا، بۆ لای فراکسیۆنی هەدەپە لە پەرلەمانی تورکیا، وتی، فاشیزمی ئاکەپە، نەک بۆ تورکیا، بەڵکو بۆ گەلانی ناوچەکەش بووەتە کێشە و ئێمە ئێستا لە باشوری کوردستان بەدەست داگیرکاریی دەوڵەتی تورکەوە دەناڵێنین، ئاماژەشی بۆ ئەوەکرد، کە تاکە ڕێگا بۆ ڕزگاربوون لە فاشیزم پێشخستنی هێڵی نەتەوەیی دیموکرات و ئازادی ڕێبەر ئۆجالانە.


ئەمڕۆ، شاندێکی باشوری کوردستان، کە پێکھاتبوون لە "محه‌مه‌د عه‌بدوڵڵا، ھاوسەرۆکی تەڤگەری ئازادیی- سارا رەزا، ئەندامی ئەنجومەنی سلێمانی- شەیما عدنان، ئەندامی ئەنجومەنی گەرمیان و شاندی ڕژاک بانو ھەڵەبجەیی، ئەندامی به‌ڕێوەبەری ڕژاک- چیمەن نەجیب، مەلەک عمر ئەندامانی ڕژاک، لەگەڵ چەند کەسایەتی حزبی و ڕێکخراوەیی و سیاسی لەباشوری کوردستان، لەشاری ئەنقەرەی تورکیا سەردانی فراکسیۆنی هەدەپە-یان کرد لەپەرلەمانی تورکیا.

لە سەردانەکەدا محەمەد عەبدوڵا، هاوسەرۆکی تەڤگەری ئازادیی کۆمەڵگای کوردستان قسەیکرد و وتی: فاشیزمی ئاکەپە، نەک بۆ تورکیا، بەڵکو بۆ گەلانی ناوچەکەش بووەتە کێشە و ئێمە ئێستا لە باشوری کوردستان بەدەست داگیرکاریی دەوڵەتی تورکەوە دەناڵێنین، هەروەها دەوڵەتی تورک لە ڕۆژئاوای کوردستان هێرش بۆسەر گەلی کورد ئەنجامدەدات، پەلاماری شەنگال دەدات، تاکە ڕێگا بۆ ڕزگاربوون لە فاشیزم پێشخستنی هێڵی نەتەوەیی دیموکرات و ئازادی ڕێبەر ئۆجالانە، ئێمەش بەشێکین لە هەوڵەکانی هەدەپە بۆ کۆتایهێنان بە فاشیز و ئازادکردنی ڕێبەر ئۆجالان، دەمانەوێت بڵێین هەدەپە بەتەنیا نییە.

د.ع