هاوڵاتیانی شەنگال: پێویستە گۆشەگیریی کۆتایی پێبێت و ڕێبەر ئاپۆ ئازاد ببێت

چوؤرشەممە, 13 ماي 2020 – 09:47  ڕۆژنیوز – شەنگال

تادێت گۆشەگیری سەر عەبدوڵا ئۆجالان، ڕێبەری گەلی کورد قورستر دەبێت و ڕێگە بە خانەوادە و پارێزاەرانی نادرێت دیداری لەگەڵدا بکەن، هەروەها بەهۆی بڵاوبوونەوەی ڤایرۆسی کۆرۆناوە نیگەرانییەکان لە ئاست تەندروستی ئۆجالان زیاددەبێت، لەسەر ئەو بابەتە هاوڵاتیانی شەنگال بۆ ڕۆژنیوز دەدوێن.

دەخیل حەجی دەڵێت: ئەمە ٢١ ساڵە سەرۆکایەتی لە زیندانی ئیمراڵیدایە، وڵاتانی بە حساب پارێزەری مافەکانی مرۆڤیش خۆیان بێدەنگ کردووە و هەڵویست نیشان نادەن، بە بڵاوبوونەوەی کۆرۆناش گۆشەگیریی لەسەر سەرۆکایەتی بەردەوامە، ڕێگە بە پارێزەرانی نادرێت سەردانی بکەن، ئەمە قبوڵکراو نییە، ئەو دەوڵەتانەش بێدەنگن هاوبەشی ئەو گۆشەگیرییەن کە لەسەر ڕێبەر ئاپۆ بەڕێوەدەبرێت، ئەو دەوڵەتانە شەرمەزار دەکەین، داوا لە هەموو جیهان دەکەین کە کار بۆ ئازادیی سەرۆک ئاپۆ بکەن.

هەروەها شۆڕش شەنگال دەڵێت: بەهۆی کۆرۆناوە دۆخی زیندانەکان خراپە، بۆ ئەوەی ڕێبەر ئاپۆ ئازادببێت پێویستە یەکدەنگ بین و تێکۆشانمان بەرزبکەینەوە، بێدەنگی لە بەرامبەر گۆشەگیری شەرمەزار دەکەین، دەمانەوێت لە دۆخی ئاسایشی و تەندروستیی سەرۆک ئاپۆ ئاگاداربین، پێویستە خانەوادە و پارێزەران سەردانی ئیمرالی بکەن، داخوازیمان ئەوەیە کە گۆشەگیری کۆتاییپبێت و سەرۆک ئاپۆ ئازاد ببێت.

ک.س