هاوڵاتییانی کامپی مەخمور: درێژەپێدەری ڕێگای شەهیدانمان دەبین

هەینی, 12 يون 2020 – 12:09  ڕۆژنیوز – مەخمور

هاوڵاتییان و توێژە جیاوازەکانی کامپی پەنابەرانی شەهید ڕۆستەم جودی لە شارۆچکەی مەخمور، شەهید قاسم ئەنگین بەبیردێننەوە و سەبارەت بە کەسایەتی و ژیان و تێکۆشانی شەهید و خەتی خیانەتی ناوخۆ لە بەرامبەر تێکۆشانی ئازادیخوازانەی گەلی کورد، بۆ ڕۆژنیوز دەدوێن.

کەنداڵ کارا، مامۆستایە و لەبارەی تایبەتمەندی شۆڕشگێڕی و کەسایەتی شەهید قاسم ئەنگینەوە دەڵێت: لە لایەنی کۆمەڵگا و کۆمەڵایەتیبوونەوە زۆر خۆی پێشخستبوو، خۆی لە جێگای هەر تاکێکی کۆمەڵگا دادەنا، لەبەر ئەمەش هەموو کەس خۆشیاندەویست، هەڤاڵێکی کۆمەڵناس بوو، هەر بۆیە بە هەموو توێژ و لایەنەکانی کۆمەڵگاوە پەیوەندیدار دەبوو، لەگەڵ پیر و ژنان و گەنجاندا زۆر گرێدراوبوو، هەڤاڵێکی زۆر ڕۆشنبیر و خاوەن ماعریفە بوو، لە بواری شۆڕشگێڕی، کلتوری، زمانی و مێژووییدا پسپۆڕبوو، لە هەموو بەشێکدا مامۆستای فێربوون بوو، هەمیشە لەکاتی خۆیدا ڕەخنەی دەگرت و ڕەخنە دانی خۆی دەکرد.

هاوڵاتییەک بە ناوی مەقبولە گابار، وێڕای سەرەخۆشیی لە گەلی کورد و ڕێبەر ئاپۆ، باسی لە سی لە کەسایەتیی و خاکییبوونی شەهید قاسم کرد.

ئەو هاوڵاتییە تیشکی خستەسەر خیانەتی ناوخۆ لە شەهیدکردنی قاسم ئەنگیندا و وتی: ئەو خیانەتەی کە لە شەهید قاسم ئەنگین و هەڤاڵ هەڵمەت و شۆڕشگێڕەکانمان دەکرێت، لە دژی هەموو گەلی کورد بەڕێوەدەچێت، ئەم هێرشانە و خیانەتی ناوخۆ براکانمان لەسەر ئێمە دەکەنە دوسژمن، بەڵێن دەدەین کە تۆڵەی شەهیدانمان وەرگرینەوە لە دووژمن.

هاوڵاتییەکی تر بەناوی کەنداڵ تەیی، سەرەتا شەهیدانی دۆزی ڕەوای گەلی کوردی بە بیرهێنایەوە و وتی: هەڤاڵ قاسم بە شێوازێکی فەیلەسوفانە خوێندنەوەی بۆ مێژووی کوردستان دەکرد و دەیخستە پێش چاومان، هەڤاڵ قاسم هەم فەرماندەیەکی سەربازیی بوو هەم فەیلەسوفێکی سیاسی بوو، بە دەستی خیانەت و نۆکەرایەتی ناوخۆ شەهیدکرا، شەهیدبوونی هەڤاڵ قاسم بۆ هەر چواربەشی کوردستان لەدەستدانێکی زۆر گەورەبوو، با دووژمن باش بزانێت، کە پەکەکە بە شەهیدان کەم نابێتەوە، وەک چۆن لە تۆڵەی هەڤاڵ حەقی قەرار پارتی کرێکارانی کوردستان دامەزرا، ئێمەش وەک گەلی کورد لە تۆڵەی هەڤاڵ قاسم ئەنگین، بۆ هەمیشە درێژەپێدەری ڕێگای شەهیدانمان دەبین.

ش.ف