هاوڵاتییه‌ك له‌كاتی نه‌شته‌رگه‌ریدا گیانی له‌ده‌ستدا

له‌ شارۆچكه‌ی كه‌لار، هاوڵاتییه‌كی تەمەن ٢٨ ساڵ له‌كاتی ئه‌نجامدانی نه‌شته‌رگه‌ریی بۆی، گیانی له‌ ده‌ستدا و پزیشكه‌كه‌ی دەستبەسەر کراوە و پۆلیس ده‌ستی به‌ لێكوڵینه‌وه‌ كردووه‌.


شه‌وێ ڕابردوو، له‌ نەخۆسخانەی 'حەمەی ئایشی تایبەت'، لە شارۆچكه‌ی كه‌لاری ناوه‌ندی ئیداره‌ی گه‌رمیان، هاوڵاتییه‌ك لەکاتی نەشتەرگەریدا گیانی لەدەستدا.

ئەو هاوڵاتییەی گیانی لەدەستداوە ناوی سه‌رهه‌نگ جه‌لال-ە، له‌دایك بووی ساڵی ١٩٩١و دانیشتوی گه‌ڕه‌كی بنگردی شارۆچكه‌ی کەلارە.

عه‌لی جه‌مال، وته‌بێژی پۆلیسی گه‌رمیان، بەڕۆژنیوزی وت: ته‌رمی هاوڵاتییەکە ڕه‌وانه‌ی پزیشكی دادوه‌ری سلێمانی كراوه‌، به‌ مه‌به‌ستی پشكنین و توێكاری، هەروەها لەسەر سکاڵای کەسووکاری نه‌خۆشه‌كه‌، بەبڕیاری دادوەر، ئه‌و پزیشكه‌ی نه‌شته‌رگه‌ری بۆكردووه‌، ڕاگیراوە و پۆلیس دەستی بەلێکۆڵینەوەکردووە له‌ ڕووداوه‌كه‌.

د.ع